久未在主場長沙灣覓食，發現新食肆隨著新樓盤增加而開左好多，亦有好多搬左鋪或裝修左既舊朋友，最近發現前年係銅鑼灣返Part time時食過既炯記，同之前係中環返工時既Friendly Neighborhood - Jolibee，都已經係長沙灣插旗。位於長沙灣元州邨的炯記餐室，其白色的木系文青Feel裝修十分吸睛，享受美食之餘，絕對係可以食埋環境，睇留佢個Menu，主打手撕雞同鵝油撈麵，但又有牛角包三文治同牛扒，我都唔知係應該用餐廳定茶餐廳黎幫佢定位，哈！ 堂食餐牌圖文並茂，精簡易明，到訪時正好有下午茶供應 食店除左有銷魂腩叉All Day Breakfast外，仲有穀飼Black Angus牛扒，食客可以用檯上的QR Code手機點餐 以手機掃QR Code落單點餐，只要個App寫得好，對懂得使用Smartphone的食客來講，其實幾方便，如果可以減省埋張熱感紙單據就更好啦，因為熱感紙未能回收 型格的白色木系設計甚有文青Feel，餐廳裡有兩組High Table，適合三五知己開飯飲野談心 是日點餐：清湯牛魔王撈麵(鵝油撈麵)，附前菜和中湯，也可加錢選配咖啡或茶等飲品 下午茶追加兩小食瑞士雞翼(套餐 +HK$16)，雞翼相當入味 清湯牛魔王撈麵，包括了牛腩和牛肚，味道OK，牛肚帶點咬口，鵝油撈麵亦不算很油，未算很邪惡，有菜係加分位 正所謂「辛苦搵黎志在食」，放假雖然搞到下午三點幾先食Late lunch，但仍然要食得豐富，先可以平衡一下日常的辛勞工作 餐廳十分光猛，樓底夠高不局促，設有幾個梳化位，餐檯距離OK，食客總算食得安心 食店亦有牛角包三文治供應，款式頗多，1月份前(2022年)更有第二件半價優惠 炯記餐室門面設計新穎，餐牌跟外形雖然有點不相襯，但相信一定會吸引年輕人和Foodie幫襯炯記餐室地址：長沙灣元州街303號元州商場G07號鋪伸延閱讀賞味香港 - 旅鍋 HK$53原盅燉湯午市套餐賞味香港 - 葵涌山城上的燒臘店 金樹林
