身為旅遊從業員的在下，其實都只係打工仔一名，除了主要收入來源的客人外，上面都總有幾個”老細”要招乎，叫得”老細”既人，就當然係響公司話得下事同有影響力既人，所以每當佢地D親朋好友需要旅遊查詢時，作為地位尊卑既下屬，其中一個工作，就係要招乎埋呢班”親友”… 通常呢種”親友”，搵得你”老世”出手既，無非都係想搵著數，來來去去都係呢3種模式，有D”老細”鍾意做中間人，咩都俾佢過慮過先向”親友”交代，又有一種”老細”係會放手俾你做，亦都有一種話就話放手你跟，但”老細”就全程好似QC(Quality Check)咁，Mon住你既過程，每回覆一個電話/E-mail都要匯報！所以每次需要為”老世”服務時都會加倍小心，再採取「白紙黑字」政策，把所有相關過程同文件都有根有據，無論遇上以上3種”老世”，在”親友”有Comments時，都會有證據係手，表示自己的清白。 在外行人眼中，係旅行社工作都好似無時無刻會搵到平、靚、正機票和酒店，”親友”(或是客人)的想法也不例外，還會認為識得你”老細”，就自然會有相當折扣，但係時代已經唔同啦！今時今日，所有機票和酒店價格都在互聯網上一目了然，Gross Profit有3%都偷笑(例：即係話一張HK$8000既歐洲機票，Gross Profit 只有HK$240-)，所以有時就算係Discount左既”親友”價，都會無厘頭俾人話貴，講真你覺得貴，咪唔好買咯，咁點解又要俾錢買，又要話人收得貴？無奈…又無奈…無端端又俾D無聊人整花個Record… 另外，每次得知”親友”(或是客人)目的地時，都會第一時間提醒”親友”(或是客人)檢查旅遊證件和簽證的有效期，尤其是台灣和澳洲這兩個麻煩之地，但往往”親友”(或是客人)都會因為旅行而沖昏頭腦，把你的說話左耳入；右耳出，好彩既係出發前幾日Call你解決，唔好彩既，去到機場先發現證件或簽證有問題而不能出發，於是你就會係你最忙既時間收到你”老世”既「激烈的呼喚」，問你點做野架？所以係呢個時候，「白紙黑字」政策的證據就可以大派用場… 但是也不可以小看”親友”這個歸類，「白紙黑字」政策都有失效時，正所謂「親疏有別」，你”老世”同你無任何血緣關係，人家唔信你信”親友”係岩架喎！但作為員工既你，你”老世”要顧及面子，又要係「親戚 vs 員工」的情況下不能鎗口對外，員工只好在”親友”前硬食死貓，被成為了犧牲品… 為”老世”服務，做埋D無錢賺既Booking，仲要全天候式招乎同「 不 能 夠 有 閃 失！」，呢D都係人工包埋架！ 旅遊血淚史#4
