呢期食得好野比較多，一個冬天就不自覺地增長左5磅(呢次真係要控制下)，在年紀漸長，新陳代謝變得非常緩慢，食埋呢餐，真係要做番多D運動，平衡番下至得！所以近期出多左關於飲飲食食既博文，咁旅遊呢？我會寫，不過寫得唔夠食野咁快之嗎… 適逢父親大人生日，佢班老友記又話要食好野，早兩日食完老闆宴客既”一蚊雞”，呢日又再黎一個私房菜，龍蝦、魚翅、鮑魚、海味，全部都係名貴食物，家陣連去飲封8舊都真係未必食到，依家HK$350/位，D野岩食既，真係抵食過自助餐！咁不如睇下個菜單先… 《龍蝦燕窩海鮮餐》 生拆蟹肉扒金山勾翅 咩都係假，食番個魚翅”浪”下口先！有蟹肉有金山勾翅，味道OK，如果你問我，我緊係覺得鹿鳴春好食D啦！雖然家陣鼓吹環保，唔建議食翅，但家父生日，老人家又鍾意食呢D野，咪等佢地開心下囉！不過在下都會盡量少食… 金銀粉絲蒸元貝 睇番D相，原來我只係影到D粉絲，而影唔到隻”元貝”，咁就等我話過你知有幾好食啦！其實隻元貝都幾大隻架，粉絲有點硬身，索不夠汁，但整體味道不錯 天下第一雞 這是Koala最喜歡的一道菜，雖然只吃到一件雞脾(利益申報：人地夾俾我架咋！)，皮脆肉滑，雞有雞味！(相信冇加到雞汁) 清蒸海鮮斑 樹熊唔食魚，不予置評，但聽友人Comments很不錯，所以我也吃了一口咁多啦… 原隻鮑魚扣山珍海味 有鮑魚、海參、冬菇、魚肚和小唐菜，海參和冬菇最好味 芝士龍蝦 – 伊麵底 呢個一上檯，Koala已經要同佢合照，因為佢唔係普通一碟芝士龍蝦，而係一座”芝士龍蝦山”黎架！製作出色、肉質鮮美，我想家陣去酒家要食一碟咁樣既芝士龍蝦，真係要花上四位數字… 招牌三色蝦 上次黎已經食過既三色蝦，分別係炸蝦丸、黃金蝦和美極蝦，美中不足是師傅沒有去掉蝦腸，和當時已經吃得太飽，所以有3隻大蝦打包左番屋企俾兄長食 瑤柱扒西蘭花 當晚惟一的綠色物體，好味！但只吃了一件，原因實在是吃不下… 飄香炒飯 叉燒炒飯？！吃了兩口，還不錯，3/4碟打包回府 杏仁燕窩 其實我不太喜歡杏仁的味道，這個還可以，至少燕窩有美顏作用，哈！ 精美甜品 芒果布甸魚一大條，也就當作是父親大人的”生日布甸”吧，以甜點完成一頓不錯的私房菜！ HK$350位(6位起)，包汽水/啤酒一罐 是晚各位老友記的胃口很不錯！沒有前來的兄長，最後只能夠分享3隻美極蝦、少量瑤柱扒西蘭花和大量炒飯。龍泉私房菜雖然位處於尖沙咀，但就置身在一座商住大廈的15/F，位置有點難找，設有廳房，地方普通，適合大伙人飯局，惟家庭式製作，上菜來得有點慢，但也OK，就這一餐我們由晚上7時吃到10時… 龍泉私房菜 Add: 尖沙咀彌敦道83-97號華源大廈AB座16樓B1, 2室 Tel / Whatsapp: 6083 1933 (何生/何太) http://www.ufood.com.hk/restaurant/detail/%e5%b0%96%e6%b2%99%e5%92%80/%e9%be%8d%e6%b3%89%e7%a7%81%e6%88%bf%e8%8f%9c/10104101645
