你認識英國廚神Jamie Oliver嗎？近日得知Jamie’s Italian真係落戶香港銅鑼灣(早幾年曾經傳過會係灣仔開業)，所以又再觸動到Koala既思維，繼續食老本，將幾年前在倫敦試過Jamie’s Italian既經歷，搬到在下的博文之上，所以今次個標題係有點「排羊頭；賣狗肉」，在分區只能揀一個的規定下，我把這篇文章放在”英國”，餐廳是吃意大利菜，下一個長龍店可能是發生在香港，但博文內容是在英國經歷的… 當日光顧的Jamie’s Italian，是位於我們前往Greenwich的必經之路Canary Wharf，也是倫敦的一個商業區，所以入夜之後，跟中環一樣(更加)寧靜！ 當日(2010年)宣佈左成年話響香港灣仔開分店既Jamie’s Italian，一直都係只聞樓梯響，而響Jamie老家既英國，分店就一間開完又一間，適逢倫敦都有新店，咁就緊係要試下呢位英國廚神有幾犀利先得！(一年後的倫敦，Jamie’s Italian已經響Westfield落戶，遠在中東的杜拜和澳洲的悉尼都有分店，亞洲第一家分店在新加坡，但香港的一間呢？還是未見…) 我們要到的一家Jamie’s Italian，位於倫敦既商業區Canary Wharf，Website寫明唔接受訂位，佢地會按客人需要，盡快安排入座，既然如此，作為旅客既動物們就要展開少少策略性既Planning，比正常食飯時間早D走到餐廳。當日大約下午6時已經從Greenwich回到Canary Wharf，中午才吃過Full Chicken Platter既3隻動物當然未有意思進食，但在於錯過黃金時間，就等如浪費自己既時間關係，在商場內逛完Gap同Boots後，Koala便強迫友人去開餐，食完先再返黎行Waitrose(因為收9點…) 外國不是香港，餐廳都不會提供免費飲用水(有就是Bonus)，嗌野飲是大會指定項目，可樂是我和友人常Order的，還有Starter Chicken Rice Ball 18:40展開晚餐，對香港人來說確實有點早，在不用輪候的情況下安排入座，更是意料之外！看著早已從陌生人的Blog上剔出的食物，再由侍應生給我們的建議，好不容易便點了3款食物，分別是Today’s Special既Cheese Rice Ball，主菜為Jamies "Flash Steak" 同埋Prawn Linguine。可能是午餐未落格關係，眾人(動物)似乎都吃得不太起勁，而作為前菜的Cheese Rice Ball，吞下一粒就已經有滯的感覺，看看食物，再看看門外，這時已經累積了等候的人們，有些更在Bar檯上邊喝Cocktail邊等候，唔知D Cocktail會唔會係Free of Charge？好似食國內既海底撈火鍋咁，響等待期間會有免費小食、飲品同娛樂提供既呢？再一次証明我既策略係岩，只係控制唔到個肚啫… 主菜Jamies "Flash Steak"，很薄的一大塊肉片伴上蕃茄和火箭菜So Far So Good，但有點偏咸… Prawn Linguine，很正常的一個意大利粉，或許平凡才是最好吃！ Cheese Rice Ball, Main - Jamies "Flash Steak" , Prawn Linguine & Soft Drink – GBP34.4 (@ GBP12 // HK$150, BSR 12.30) Add: Unit 17 2 Churchill Place Canary Wharf London E14 5RB Tel: 020 3002 5252 Opening: 1130 – 2300 (Mon-Fri) / 1200 – 2300 (Sat) / 1200 – 2230 (Sun) Access: Canary Wharf Tube 文章節錄(編輯)自Koalascities (^O^)! “Koala @ Europe – London Express” 當日吃得不多，人均消費為GBP12 (約HK$150)，4年後的今天，香港餐廳定下人均消費為HK$250-300作參考，計埋通漲和成本，「來佬」野依然有價有市，選擇落戶人煙頻繁的銅鑼灣Midtown(連商場個名都外國化！)，唔知又有幾多成落左地產商個袋度？ 某天路過銅鑼灣Midtown，大廈已經成型，Jamie’s Italian，夏天見！ 究竟Jamie’s Italian開幕後，會否成為香港下一個長龍食店？今個夏天，拭目以待！ Jamie’s Italian 銅鑼灣登龍街1號金朝陽中心二期Midtown 2/F http://www.jamieoliver.com/italian/hongkong/home News @ U Food http://www.ufood.com.hk/restaurant/news/foodrecommendation/Jamie%e2%80%99s+Italian
