第4次出門 - 韓國‧漢城 這是發生在"江南之旅"前的一個旅程，那時的"漢城"現在已改名為"首爾"，那時也可能未有Psy，但就有"Gangnam Style"既江南區，雖然當年沒有40頁我遊記，但在下也在回來後(好奈之後)寫下了旅行後的感想，一直儲存在電腦中沒有發表(月前已在Yahoo於 Blog發表了！)，完成日期為首篇遊記之後的半年(我想是因為想回味一下以往我旅遊經歷，當年才剛開始去旅行呢！)，沒有相片只因當年仍用菲林傻瓜機，希望不會打擾各位閱讀這篇遊記的雅緻，也就當是在下Koala的旅遊生涯留個紀念吧！ 韓國漢城華克山莊大明渡假村五天團 Korea Seoul 5days Tour (KSL5) CX410 1020/1440 Hong Kong / Seoul CX411 1820/2055 Seoul / Hong Kong Schedule 行程 Day 1 香港 – 漢城 – 新村大學區 – 晚飯於韓式餐廳(人蔘燉雞、石頭飯) – 東大門批發市場 – 華克山莊賭場 – 酒店 住宿：喜來登華克山莊渡假村Sheraton Walker Hill Hotel Day 2 酒店早餐 – 88奧運會場 – 午餐(韓式燒烤) – 大明渡假村(乘吊車往山頂、轉盤滑草及享用渡假村設施) – 大明渡假城 住宿：大明渡假城 Day 3 大明渡假城 – 夢幻繽紛樂園(登山吊車、激流旅程、野生動物園、緊張刺激機動遊戲，龍捲風、海盜船及過山車…) – 溫陽溫泉 – 晚餐於酒店內(火鍋) – 溫陽夜市 – 溫陽酒店 住宿：溫陽溫泉酒店Grand Hotel Day 4 酒店早餐 – 漢城 – 景福宮 – 人蔘專賣店 – 戰爭博物館 – 梨泰園波鞋王國 – 樂天冒險世界 – 雷射激光表演 – 酒店 住宿：韓城皇宮酒店Seoul Palace Hotel Day 5 酒店 – 中式早餐 – 明洞購物區 – 南大門女人街 – 金浦機場 – 香港 Koala小記 悠記去韓國的決定，絕對是在於本人母親之下，原因…原因就係因為佢想去旅行，加上我又有一定經濟能力(想起也有點肉痛)，好想去同父母分享一下，但我想去馬來西亞佢又唔鐘意，結果經過大家互相讓步下，就決定cheap cheap地跟公司團去韓國啦！去旅行，既能增進自己的遊歷，也可為我與靚女(我母親之暱稱)一同從工作中找點慰藉，抽出五天時間，出外抖抖氣、充充電。 參加自己公司的團，當然衰極都會有一點點優惠啦！首先是可以一直留意住個團既動向，而價錢方面，當然用到最NET價(絕對唔同老闆慳，旅行袋唔靚都照殺！)，行動從出發前一個月已經展開，一路睇住D人報名，一路多人，直至成團Guarantee出發，亦多謝已離開左我地既前度同事頂力協助下，一天一天的過去，直至了出發前幾天，才繳付一切費用，而一直很有興趣知道該團的領隊名單終於也出了！Oh! 但不知為何，在日本的淡靜期，唔搵日本導遊帶，突然跑了一個不認識的Free lance出來…。假期終於來臨，很好彩，我於出發前一日於辦公室內見到了素未謀面的領隊，只好先打個招乎，希望往後幾天得到友好的照顧。 哈哈！話咁快又到左23號啦！自3月去過泰國後直至今日才再有機會抽身出來relax一下fever一下，又要在此再嘆一句：「實在難得！」誰不知…23號當日，我本著唔洗咁早到機場的心態，好鬼淡定之下，就成了最遲一個團友到達機場(鬼叫自己cheap咩！又要坐東涌線左轉右轉，點知響半路中地鐵又有故障…)。 有感第一日就咁鬼倒霉，天氣好反常，一時下雨，一時又天晴，真係幾邪！唔，但係又好開心，第一次坐國泰，可以體驗一下國泰D空姐有幾串；另一方面又有得坐波音機，又成為我另一個第一次；繼續係有6吋私人電視的坐位，唉！又送多我一個第一次……太多啦！但始終，始終，始終我都係好怕搭飛機。3個多小時的機程終於在無聲無息下告一段落，換過來是一個陌生的地方，四周全是韓文，終於明白到做個文盲的苦處，滋味並不好受。一出外，下著毛毛雨，有點掃興，也有點累，耳朵仍是因飛機氣流問題很不舒服，但腦內的韓國之旅也是要實行的，讓我們一起快快投入這次旅程吧！ 估不到我們的第一站，唔，應該是第一天行程全是購物，還是雨中購物，有點討厭！但都要捧下場，是日晚餐相當精彩，有賣點人蔘燉雞和石頭飯，對於團餐來說相當不錯。繼後，晚上就是重點所在 – 華克山莊特色，用紙幣的角子老虎機(還是懷念每次投硬幣再大力’choc’機的感覺)，這幾天走來走去，既到過韓式渡假村 – 大明渡假城、很有日本Feel的溫陽溫泉酒店、充滿民族意識的戰爭博物館、也有混合中國及日本傳統建築色彩的景福宮、還有韓國兩大主題公園樂天世界和夢幻樂園。我最愛的，莫過於兩大主題公園的機動遊戲和戰爭博物館，另外，88奧運會場也很有意思，因仍然保養得很好，當然還有可透過直播欣賞到米高積遜的籌款音樂會。 到夢幻來園那天，正是行程的第三天，開心時刻又過了一半，見到那裡的門口，已很吸引，今次仲唔俾我玩殘你！就連導遊也要跟我們共聚天倫，與我們一起參與，一起乘坐吊車、一起走到野生動物園探險和一起衝上激流三個遊戲。玩，就當然要一齊投入才有最大效果，但靚女總是有點不願意的，反觀團友招生招太卻懂得這重要性，對於我這麼年輕的更加不用多說，當然是與眾人一起娛樂，暫且拋下靚女一陣啦！(說笑而異) 有少許後悔說錯說話，唉！玩殘所有機動遊戲？靚女佢一句肚餓，我就真係俾佢玩番轉頭，搞到我要飽肚玩遊戲。第一個要玩既就係轉到你暈，又擺上又擺下既’龍捲風’玩完落黎真係俾佢’fing’到個肚好似搞緊Milk shake咁！幾奪命呀？！搞到我之後要抖左一排先可以繼續，唉！仲生存倒，已經係奇蹟。然後…然後繼續玩我既至愛係吊既過山車！哈！佢既衝力真係好正，上到最高，再逐個斜坡衝下，雖無番天覆地，但也緊張刺激。再黎既係海盜船，雖然該處有三種選擇，有360度倒轉，也有小型的，但我卻揀選了這個 – 最高這個。行呀，走呀 ~ 一個接一個遊戲、花車巡遊、玫瑰公園…等等等等，最後又是滿載而歸。 當晚所入住的就正是我頗喜愛的溫泉酒店，原因絕對與酒店本身有溫泉無關，吸引處在於房間陳設，全是韓式的，一入門口，就是放鞋的地方，正式房間是在高台上，放著兩張床，一個茶几，沒有椅子，韓式嗎！而電視櫃和檯都是矮矮的，還有，重點就在衣櫃裡，謎底已被解開 – 韓式床舖是也！韓國人的習慣是在地上睡覺，而高台的設計在冬天時，就最有用，因為當地的房屋全部的地板下都是裝了暖氣設備，使到他們在嚴寒的冬季下都能夠溫暖地在地上睡覺。 哎呀！最後兩日啦！又到左我好喜歡既戰爭博物館，什麼戰機呀、坦克車、火箭炮，仲有無乜關係但用黎點綴既噴水池呀，同埋萬國旗…都一樣好有氣勢，好吸引，好誘人。這也算是韓國較為傳統及實在的旅遊點，我想可能現今的香港人並不太大喜好。既然如此，就快快轉移到下一站 – 樂天冒險世界，讓各人大叫大嗌，舒展一下筋骨，來個盡情吧！由於當天的行程相當緊密，使得在此只能逗留兩、三個小時，實在有點浪費，不過到此一遊，也必須履行一些事，什麼事？看下去便話你知！ 來到此地，導遊亦陪伴我們玩過阿里巴巴之旅，總算給我們整團人留下一個難忘記憶，之後…之後就當然是我的時間，一個箭步，就走到是次非到不可的目的地，實在討厭，鬼死咁多人排隊，排左成30分鐘，終於有得玩，玩咩？咪係履行今次既任務，一嘗跳樓滋味，玩玩這個有二十多三十層高的跳樓機，想不到排隊就排得耐，玩就唔洗五分鐘！60人一齊跳樓，你試過未？當坐上椅上，心情緊張，也未來得切慌張之際，卻原來已升到頂部，最頂癮是它還要在上面轉一個圈，讓你先看看風景，然後在你毫無心理準備之下「轟」一聲於幾秒間溜下去，感覺有如被綁住手綁住腳下跳樓一樣，雖只是幾秒間發生的事，但當時的時間卻過得十分漫長，從害怕到放開，從放開直到落到地面，很Free，很刺激！下次有機會去韓國的話，都要再玩番轉至得。 餘下落黎，尚有last一日玩，又係我唔多鍾意既Shopping時間，明洞同南大門，就同你黎個最後衝刺，走黎有韓國銅鑼灣之稱既明洞Shop下ping啦！真係只怪我同靚女天生真係唔多鐘意行街買野，參觀同遊山玩水就好地地，一到行街，真係有D失敗，結果唔洗一個鐘，成個明洞南大門就已經俾我地既腳毛覆蓋晒。直到走進了百貨公司的Supermarket才為我倆帶來新機。講到尾，放左幾日假，D同事返工做埋你D野，例牌都要買番少少野俾同事慰勞一下既，於是就即刻狂掃手信狂買紫菜。講真，韓國D百貨公司同日本都有幾分相似，好有日本Style，但係價錢方面就平成一大截。最基本係，起碼好過幫襯同公司有關係既雜貨店，俾人掠水！ 三千幾蚊又告一個段落咯！五日時間話長唔長，話短唔短，不過老套D都要繼續講，次次開心既時間都係過得突別快！Never mind啦！再黎一句Enjoy Life啦。
