香港有好多隱世小店! 今次就同大家介紹位於旺角通菜街【小念頭】，地方唔算大，只有幾張枱仔，但樓底夠高，所以都唔好覺得好壓迫。佈置係小清新路線，感覺舒服! 蛋糕款式大約有十款，蛋糕櫃內的蛋糕外表十分不吸引 XD 哈哈，睇到都唔想食，好彩只係展示用途，你叫完佢會係第二個雪櫃拎俾你~ 我地叫左3款蛋糕，分別係「東方焦糖卷蛋」、「Bailey巴斯克芝士蛋糕」、「鐵觀音芝士蛋糕」、飲品就叫咗「玫瑰奶蓋玫瑰青茶」、「抹茶奶蓋茉莉綠茶」、「芝士海鹽奶蓋木燙青茶」。 飲品好大杯，但3杯香味欠奉，味道都偏淡…奶蓋亦未見出色，下次再嚟唔會叫飲品… 「東方焦糖卷蛋」，店員說是皇牌蛋糕，蛋糕幾鬆軟，內有超多cream，cream沒有奶香，口感亦唔夠輕盈! 「Bailey巴斯克芝士蛋糕」，賣相很吸引，口感紮實，食多幾啖就會感受到淡淡的Bailey味道，不錯不錯! 「鐵觀音芝士蛋糕」，口感紮實，芝士味淡，亦沒有鐵觀音香味，失望! 總括黎講，雖然環境幾舒暢，但食物/飲品質素令人失望! #旺角 #樓上鋪 #隱世小店 #通菜街 #小念頭 #Bailey #巴斯克芝士蛋糕 #卷蛋 #鐵觀音 #芝士蛋糕 #小清新 #女生聚會 #文青 #cafe #偽文青
