因為想影勞蘇聖誕節裝飾，所以就嚟到葵芳，間間餐廳都要排隊，見丸十唔駛排隊，門外有大大張極上牛柳三文治POP，睇落好吸引，就決定食佢啦! 座位唔算迫，但留意無BB椅，BB車亦要放係第2度! 叫左一個丸十名物，「極上牛柳三文治」$168、「極上鐵板燒」 $350及「美國牛壽喜燒」 $148。 落完單好快就送上鐵板燒餐的食物-野菜沙律，食材都算新鮮，之後再上北海道帆立貝，過熟好un…失望，車海老好爽口，而且煎得好香口，厚燒牛肉粒口感不錯，也有肉汁，丸十炒飯…雖然夠乾身，但味道欠奉，無味道的…炒野菜也是一樣，無味…軟雪糕無咩特別點擊圖片放大 丸十名物「極上牛柳三文治」，賣相都ok，食落無咩驚喜，牛肉無咩肉味，但幾軟腍，而且厚切，口感好，多士烘得夠脆，整體都算好食，但宣傳品上無標明用咩牛，哩個價錢係幾貴 美國牛壽喜燒只有2塊牛肉，肉味濃又唔un，但得2塊太少，而且一點也不像壽喜燒…太淡…而且沒有火一直燒的，d 菜好硬…失望 總括黎講，質素一般，性價比低，唔會再黎!
