去完四季薈 My Day就去Club one K11空中花園，預先已經約好左1位Consultant，點知去到佢是旦安排左另一位俾我，感覺不太好，好彩呢個consultant都幾nice~ 因為無影相，所以用官網cap圖，下面係少少個人感想： 點擊圖片放大 ✓讚 ✦K11內2部lift可以上到去空中花園，地理方便 ✦Reception位開揚，幾個人同時簽名都唔會迫 ✦有3大個位置可以擺相，擺Candy corner，好闊落 ✦樓底高，空間感唔錯 ✦主打綠色同白色，好多植物佈置，感覺幾清新 ✦舞台size正正常常，無特別大或細 ✦有座白色鋼琴，如果識彈可以用 ✗彈 ♢椅套，號碼牌，燈光等等要加錢 (無椅套會坐得好唔舒服，硬俾) ♢樓底高但正中間位置天花板有好大堆假花，搞到好有壓迫感 ♢12圍後嘅圍數要坐係無冷氣位置，雖然放左1部吹風機但感覺焗促，我覺得賓客坐係呢區會好唔開心 ♢户外證婚位置d花好殘又脫晒色，最恐怖係後面好大爛牆，完全接受唔到~ 冷氣問題同證婚位嘅環境，已經即時可以講再見了！
