好耐以前睇Kary首歌 [最幸福的眼淚] MV，覺得佢個MV場地勁靚、勁有氣氛 好有記憶點！ 睇結婚資料先知，原來個個場地係CLUB ONE大舞臺，即刻成為第1選項~但同Y先生傾後覺得地點太格攝同太遠，所以都係放棄 ！ 之後問左好多個場(屯門黃金海岸/紅磡灣天澄閣/Club one愉花園等等)都無我哋嘅日子⌤ 個個都話我地遲，話好多兩年前已hold場‥‥‥ 最後得番四季薈/Club one K11空中花園/Club one尖東薈，咁就book時間睇場lu ✶第1間睇四季薈 My Day✶ (因為我地個日有人進行緊Wedding Lunch, 所以無影到相，係官網cap左圖) ✦位於尖沙咀美麗華商場6樓，地理都方便，但要係商場轉好多條電梯先去到，而且商場內嘅指示唔清晰！ ✦個場主色係Tiffany Blue同白色，係靚既，小清新！ ✦門口reception位太窄又太近電梯，到時迫一埋賓客係到簽名好迫又危險！ ✦台好細，如果影大合照要分好多行！ ✦新娘房超超超細，未見過咁細，雖然佢有安排另一個位換衫，但走黎走去好唔方便！ ✦最唔鍾意係個場有轉角位，第10圍打後就睇唔到台！ ✦啲椅腳花晒，好礙眼！ ✦户外證婚位置反而有驚喜，好闊落，椅係透明膠椅幾靚！ 整體係彈多過讚！價錢$2XXXXX起，俾多$2xxxx佢提供埋借婚紗、Wedding planner、化妝師個d，怕煩嘅朋友就岩晒！但個場真係唔掂！ 附上場地floor plan
