豐唇卜卜咀~Lip Plumper介紹 再嚟介紹唇部產品，呢隻產品我都用過幾枝了，不過次次都唔係因為用晒，係唔見左XD 日牌Canmake好多產品都好好用^^，最出名係綿花糖粉餅，唇膏眼影都好正~不過今次介紹嘅產品好似好少人留意到，就係Lip Plumper啦~ 全名叫[日夜豐盈唇部精華]，幾靚嘅薄荷綠樽身，而且細細枝放手袋好方便，吱出嚟係蝦肉色，有好好好幼嘅珍珠粒子，雖然係蝦肉色但上到咀係睇唔到色的，因為佢含有辣椒精華及薄荷精華，所以搽上咀會涼涼地，搽上大約3分鐘真係會覺得個咀脹左少少 >3<，加上有珍珠粒子，所以都會有啲反光，睇落個咀盲更加脹卜卜，少少痴咀但都接受到，同埋因為佢都幾潤，所以我係當佢潤唇膏咁用，同埋呢枝Lip Plumper係日本買只需要$30左右，又係性價比極高~10級推薦! ^O^
