らぁめん みそ家參觀完戶隱神社返到長野站就緊係要醫肚啦Lunch就選擇左長野市內好出名嘅味增拉麵店 らぁめん みそ家らぁめん みそ家 位於長野站隔離,善光寺口一出過對面馬路,就係Family Mart隔離 人好多,都要排一陣隊 終於都到我啦 比大家望下menu分拉麵、沾麵(つけ麺)再分普通拉麵、石臼磨製而成小麥粉製成嘅拉麵更分有3塊叉燒(ちゃあしゅう)定齋肉碎最後就係要辣味增定普通味增 呢度唔洗買飛,而係直接叫店員落單我就要左石臼味增叉燒拉麵 (¥1080) 成碗呈上黎,見到橙黃色就覺得好惹味上面都鋪滿葱花同芽菜芽菜好surprise,超級爽脆同平時放落湯唔同,呢度嘅芽菜同紅蘿蔔絲係放落湯前會先用大火翻炒一般蔬菜係翻炒過程中都會出水但店家翻炒個陣會不斷倒走d水,令到芽菜無比水/水蒸氣整軟,從而保持爽脆口感湯底比起係小布施 長野土鍋ラーメンたけさん 無咁油,比較清爽如果話 長野土鍋ラーメンたけさん 真係完全味增醬湯らぁめん みそ家 就係屬於大骨湯落左信州味增調味,清爽完全唔咸成碗飲曬都無負擔! 叉燒肉都好用心,切完會輕輕煎下帶少少焦香味,好配合叉燒本身醬油香味而且有3塊...真係好經濟實惠 石臼拉麵顔色會偏灰色用傳統石臼磨製而成小麥粉製成,口感更加有咬口、麵香味會更重 真係好推薦呢間而且夜晚開到午夜12點,黎食個宵夜都唔過分らぁめん みそ家https://maps.app.goo.gl/NS6Xk39ibyTJVHvE6