長野土鍋ラーメンたけさん小布施係一個樸素小城市亦被稱為栗子故鄉,基本上成個小鎮經濟都係靠栗子拉住 而每年秋天都會吸引好多人黎睇紅葉係一個環境清幽嘅好去處 我都都bookmark左係小布施嘅一間拉麵店長野土鍋ラーメンたけさん 趁鋪頭無人即刻影幅相 呢間拉麵店最特色就係有幾款拉麵係用石鍋呈上而最多人會試土鍋味增豚骨、信州味噌蔵ラーメン 比較多人會叫 土鍋味增豚骨 ,始終有肉呀嘛但我就叫咗另一款 信州味噌蔵ラーメン (¥980)信州味噌蔵ラーメン 係一款素拉麵,冇含有任何動物性原料即係你唔會喺拉麵入面見到肉類、奶類、蛋類、動物油脂呢啲烹調過程中落嘅所有調味同配菜都係植物性食物同我哋平時食到豚骨、雞湯、牛骨湯嘅麵類完全唔同究竟一款冇落肉類去淆湯嘅拉麵好唔好食我可以答你,係超級好食首先拉麵用土鍋呈上,起到保溫作用 湯底偏油,但小弟問過係用植物油、黑蒜、蔬菜再加埋信州味增淆製而成味噌味道好厚但唔會過鹹,係可以直接飲用嘅程度 配菜有紅蘿蔔、菜、菇、豆腐同芽菜,面頭仲有一pat薯蓉同大量蔥花完全係食緊一個濃味嘅味噌雜菜鍋咁 拉麵粗幼度適中,咬落去都仲保留到啲煙韌 咪住先!你啱啱先講完呢個拉麵係素拉麵喎,唔應該有蛋點解你碗嘢會有蛋㗎!其實 信州味噌蔵ラーメン 係冇蛋嘅, 只係我另外畀多咗¥100叫咗隻蛋隻蛋非常好食,鹵水味道夠,蛋黃亦都呈現半流心狀態值得加! 喺咁多拉麵款式中,我最鍾意就係味噌湯底嘅拉麵可恨自己係一個人嚟,試唔到有肉嘅土鍋味增豚骨拉麵不過個人覺得呢間嘅拉麵係偏油嘅如果比較鍾意食清爽派就未必適合你喇長野土鍋ラーメンたけさんhttps://maps.app.goo.gl/Hnf4bwUZgZwekLiU8 (小布施店)https://maps.app.goo.gl/RaC7kzcVJrEtFH9N8 (東和田店)