地獄谷野猿公苑黎得長野，無可能唔去睇馬騮浸溫泉啦長野真係有各式各樣巴士Pass其中一款係針對 地獄谷野猿公苑 而設嘅 2 Days SNOW MONKEY PASS (￥4,000) 2 Days SNOW MONKEY PASS：- 地獄谷野猿公苑 入場門票- 2日內任搭長野電鐵 (包含特急自由席)- 高速巴士往來長野站至地獄谷野猿公苑- 當地巴士往來湯田中站至地獄谷野猿公苑平時買單程高速巴士由長野站去地獄谷野猿公苑都要￥1,800購買方法好簡單，以下長野電鐵站均有售賣：長野站 / 市務局前站 / 權堂站 / 善光寺下站 / 信濃吉田站 / 須坂站 / 小布施站 / 信州中野站如果大家係長野站買，記得係位於地底嘅長野電鐵，並非JR站最方便就係Donki對面Family Mart隔離個出口落去就直接會見到售票counter 買完Pass要搭巴士就要穿過隧道行到最盡 再左轉上樓梯 就會見到巴士站，排係23號站口等就得 冬天嘅 地獄谷野猿公苑 真係好多人成架旅遊大巴都坐滿人我由上車訓到落車一落地已經見到成地雪！ 落車地方隔離叫「志賀高原ロマン美術館」外觀都幾靚啊不過我相信應該無乜人會真係入去 落車後其實仲要行多35-45分鐘先會到 地獄谷野猿公苑 今日個天真係無得頂！ 沿途都有好多和式旅館 自駕人士其實都係行少幾分鐘，係旅館附近停車場都要全部落車行路 地下結冰、融雪個陣真係好跣，大家行斜路要小心啲 呢個叫「上林不動尊」點擊圖片放大 由巴士站大概行10-15分鐘就到正式入口 入口隔離有間手信店/案内所，如果有需要借衫褲雪靴可以係度比錢借 之後路程大概需時25-30分鐘，都係行呢類叢林小路 大家真係要行得小心啲，盡量行裏面啲真係跌左落去弊家伙玩大左 呢個位話有時可能會出現氈鹿 做左幾年社畜，少左做運動，人又發福而家行多幾步都覺得攰 記得唔好攞住膠袋同食物係手 行到地獄谷就周圍都係雪景白蒙蒙一片真係好靚 對面係間公共浴場「後樂館浴場」我覺得最大作用都係做陪襯囉點擊圖片放大 「渋の地獄谷噴泉」噴出熱辣辣霧氣，但周圍已經結曬冰點擊圖片放大 再繼續行上去 行多幾步就會到達 地獄谷野猿公苑 手持SNOW MONKEY PASS就直接show比職員，無Pass就買門票入場（￥800） 地獄谷野猿公苑 係日本獼猴棲息地之一四周圍森林同山脈住左好多獼猴族群，獼猴數量有幾百隻旅客可以係無圍欄情況下近距離觀察獼猴而冬天就更加可以欣賞到獼猴浸溫泉，係 地獄谷野猿公苑 最著名活動點擊圖片放大 呢度嘅獼猴係完全唔驚人，你有你影，佢有佢浸/活動點擊圖片放大 獼猴家族真係好warm，會互相依偎、幫對方捉虱同梳毛等浸曬溫泉咁仲識嘆過我…點擊圖片放大 有啲獼猴就會係岸上抱抱、蒸下熱氣 我就覺得未濕水嘅獼猴可愛啲濕左水啲毛好核突… 成群獼猴嘆世界，真係完全懶得理你平時租一晚露天溫泉望雪景都幾千蚊，獼猴表示我免費點擊圖片放大 +2 最多人係企呢個圍欄位可以好近距離水平望住獼猴但係最前排個幾個鬼佬企左好耐，由我到場至離開都一直無走過 喂！你兩隻野打玩茄輪未人地下面一家三口望住架，兒童不宜 獼猴落水個下好似平時狗仔落水，好得意 一幕幕互相依偎互相捉虱場面keep住無停過，就好似韓國人互相擦背文化咁 我唔係有心影你屎忽 全場係超多鬼佬鬼婆想講長野縣真係超多非亞裔外國人去玩係長野縣3日，基本上我遇到旅客超過一半都係鬼佬鬼婆，個個都係去滑雪點擊圖片放大 無論幾點 地獄谷野猿公苑 都係好多人不過環境真係好靚，冬天雪景下真係唔好錯過點擊圖片放大 接近11點半我就開始回程 上車地點其實就係落車隔離個木屋仔 我呢程就係搭local bus去湯田中溫泉，繼續展開行程
