《かまくらの里》(長野雪屋村)「かまくらの里」係我呢個旅程最期待嘅環節！係被譽為雪屋故鄉-飯山信濃平每年1月尾-2月尾舉行嘅限定活動參加者可以係雪地上用真雪砌成嘅雪屋裏面想用長野信濃嘅鄉土料理 - のろし鍋係一個非常特別嘅用餐體驗如果大家2月中前往，更加可以配合埋飯山雪祭一齊玩報名方法&詳情我會擺係尾先講要去かまくらの里，最方便就係新幹線去到飯山站再轉乘巴士 かまくらの里 分左幾個時段比人報名我就選擇左16:30，貪可以一次過睇得曬日夜景一落巴士就見到滿天雪地，好靚啊…… 仲要今日有毛毛雪，唔會太麻煩 先排隊check-in，再比埋回程交通費(夜晚無巴士走，場地有提供付費旅遊巴) Check-in counter隔離有檔賣小食、啤酒，有需要就自便啦今晚餐飯就會係呢啲雪屋裏面搞掂啦，係我從未有過嘅體驗 洞口好細，要彎低身踎住行入去 裏面擺左少少凳同枱仔頂上有盞燈，大家唔洗怕黑 雪屋有30個，代表每次只可以招待30組客人所以都唔一定book到架12月開放book，最好都係12月内就book好啦 出發之前其實好擔心因為1月頭曾經收過主辦單位email話因為今年降雪量太少，無法砌雪屋，好有可能取消最後好在有幾日落左場大雪，先無被取消咋かまくらの里 最signature打卡位就係正中間有條行人路行人路兩旁有迷你雪屋燈，最尾就有個鳥居+神社點擊圖片放大 +2 呢個叫 かまくら神社 係另一邊有座迷你雪山同活動區大家可以係度砌係雪人、爬下迷你雪山&坐板sir落黎點擊圖片放大 我睇左咁耐都只係得1個小朋友成功登頂 かまくらの里 本身就係位於鄉郊住宅地方周圍都好安靜，充滿住孤寂感點擊圖片放大 呢個就係屬於我今晚嘅雪屋啦 踏入4點半，野食陸續有職員送入你嘅雪屋 一大個煲滾住好多蔬菜同豬肉熱氣衝天，好暖啊！！！ 呢個鍋 のろし鍋 材料有：白菜/ 蘿蔔/ 紅蘿蔔/ 牛蒡/ 油菜花/ 芋頭/ 金針菇 / 白玉菇/ 信州美雪豬/ 薯仔/ 茼蒿再落左信州味增燉煮製成火鍋 雖然好似普普通通一個味增蔬菜豬肉火鍋，但味道真係好甜蔬菜甜味好出，信州味增本身都係容易入口成件事好令人滿足點擊圖片放大 個餐仲有個飯糰同漬物不過飯糰係凍，所以我臨到最後就倒落個火鍋煮碗味增蔬菜雜炊味增蔬菜湯同米飯真係好夾 食完野出黎，迷你雪屋燈都亮起而家等嘅就係天慢慢黑點擊圖片放大 基本上大家都係食45mins左右，就會離開雪屋出返黎周圍再影相入黑嘅雪屋裏面著燈，更具味道夜晚條參道著燈，好多人都係聚集係度輪流打卡點擊圖片放大 藍色場景真係好浪漫點擊圖片放大 天色越來越黑，由機器發出嘅燈光都越來越亮眼點擊圖片放大 +2 等到成個天黑曬 就又夠鐘搭6點嘅車離開 有d人可能話哎呀，我book唔到啊，但真係好想黎睇雪屋啊如果你book唔到用餐體驗，你仍然可以黎雪屋村只不過無得用膳 + 無得搭個共乘巴士，要自己想辦法走，所以更好係日頭時間黎中午定夜晚好？我覺得感覺唔同日頭有太陽，歡樂感重d；夜晚就孤寂同浪漫少少返到長野我無再周圍行對於搭凌晨機+一落機就開始行程嘅我都開始攰返酒店休息，再望多幾眼第二日行程 其他資訊：報名方法每年12月1日接受網上預定 + 付款(參加日3天前免費取消)Click呢條linkhttps://www.iiyama-ouendan.net/special/kamakura/index.php時段平日：11:00–12:30 / 13:15–14:45 / 18:00-19:30星期六日&公眾假期： 11:00–12:30 / 13:15–14:45 / 16:30-17:45 / 18:30-19:45價錢2人份：每人￥5,500 (日間時段) / ￥6,000 (晚間時段)1人份：￥9,500 (日間時段)/ ￥10,400 (晚間時段)雪屋村另外設有2個活動，大家都可以因應想法自行報名1. 平日下午茶 (￥2200)，可以係雪屋食番薯同飲年糕紅豆湯2. 用膳+住宿 (價格不定)交通方法可以參考官網提供時間表，根據返自己時段選擇接近的巴士時間https://www.iiyama-ouendan.net/wp/wp-content/uploads/2023/12/Kamakura_2024_bus_timetable.pdf大家係飯山站一出，行去3號巴士站13小境線 / 23急行戸狩温泉スキー場線 / 23 急行ＮＯＴＯＭＡ戸狩線點擊圖片放大 17:30後 かまくらの里 係無巴士可以返到飯山站主辦方安排平日19:30 / 非平日18:00設有共乘小巴前往飯山站，票價￥1,000非平日18:00係尾班車，若參加非平日18:30-19:45活動就要自己考慮交通問題
