《味藏天國》講開高山美食，就一定要提「味藏天國」 晚餐環節5點開始，4點半就可以開始攞飛我4:43攞飛已經攞到9x號 (最後我係7點幾先入座)我5點再去望下部機已經話停止派飛，cls... 高山另一間都係食飛驒牛燒肉嘅丸明燒肉，根據友人所講高山祭期間都係6點前已經截龍到我有得入座已經餓到無語言能力…叫左份特選飛驒牛里脊(3223)+ 上等飛驒牛五花(￥2200) + 枝豆(￥242) + 轉set(￥605)點擊圖片放大 里脊肉係相對油花比較豐富嘅部位 輕輕一燒，一面燒10-15秒已經可以，另一面就燒短啲時間保持裏面仲係粉嫩真係極度油份重...擺落口咬兩下已經滿口油，慢慢化開 牛五花其實燒嘅速度都多少少就夠，因為都係屬於油份偏多嘅部位牛油滴落飯度真係好邪惡...而且我叫呢款牛五花雖然唔係特選，但油份都非常足夠，肉質又好嫩 不過真係好肥好膩可能年紀同以前真係今非昔比，呢啲油膩野真係唔能夠好似以前咁吸收自如基本上我食到一半就已經開始頂硬上你問我，我就覺得上等牛五花個款較適合我，唔會好似吞油咁呢個都係點解我會又有沙律又叫枝豆，懶係平衡下--------------------------------------------------------------------------------------------《麵屋白川》係高山食野，主要有2樣野最出名一樣係飛驒牛，另一樣就係中華拉麵我今次就揀左其中一間都非常出名嘅「麵屋白川」 本身我見到排曬長龍想放棄但當我見到係所有鋪頭都要排隊，咁就緊係排自己想食嘅野啦 鋪頭空間真係唔大，大概容立到15個顧客左右 「麵屋白川」只有1款拉麵揀，就係醬油拉麵大碗：￥1,300 細碗：￥1,000另外拉麵無附雞蛋，要自己加￥100「麵屋白川」拉麵係用雞肉熬製嘅黑胡椒醬油湯底，面頭有一堆葱花入口好香好舒服 拉麵用嘅係細卷麵，同湯底非常夾本身細麵/極細麵係非常適合用黎配相對比較清/無咁濃郁嘅湯底而卷麵特色就係可以掛湯所以細卷麵將麵條同湯汁一齊送入口，令到兩者鹼水味同胡椒醬油味都好平衡 叉燒肉會見到表皮係烤過，7分瘦3分肥肉味道因為烤過，所以有輕微火炙味但個人覺得瘦肉比例多左少少，同埋烤過d油逼左出黎，所以無個種肉油香 蛋先係超級無敵...蛋黃味濃到呢而且中間仍然保持流心真係一定要加 呢間湯底同蛋都好正，值得推介
