係名古屋第一晚我就食左兩間餐廳第一間係好隱世嘅「うに橫丁」居酒屋第二間係幾乎所有人去名古屋都會食嘅老字號鰻魚飯店「熱田蓬萊軒」「うに橫丁」居酒屋呢間小酒館係我有個日本通朋友介紹比我 入到去鋪頭好細,座位都唔多,會覺得好warm 一坐低就會送上細細份前菜 – 香油拌長鰭吞拿魚粒 吞拿魚切到好細粒,然後撈少少香油、薑蓉,再係面擺放一片百合花油份mix埋香油味好香,但因為有加薑蓉同吸收左好輕微花香,所以唔會覺得好油膩之後再叫左一份3色海膽(¥3000)包括左禮文海膽 + 2隻北方四島海膽 禮文海膽相對比較creamy,入口後細嚼幾下甜味已經不斷湧出黎 中間呢款北方四島馬糞海膽,口感相對比較堅挺,味道都幾濃,除左甜味仲有海水個種鹹味 右手邊個款北方四島柔軟程度就介乎係上面2隻之間,海水鹹味唔重,但清甜味好突出 店家仲有提供wasabi同鹽比大家蘸Wasabi真係幾唔錯,完全唔係一包包個種,而係磨出黎仲仍然保留少少一粒粒感覺,味道唔會太刺鼻個人建議食禮文同右手邊個款北方四島可以蘸少少鹽,用鹽去吊個甜味更出而中間個款北方四島就可以蘸wasabi,刺激返個濃厚感之後我仲叫左個貝殼焗海鮮 (¥1100)裏面有帶子、蟹肉、三文魚籽、芝士、Crean超香超正 用匙羹一啖食落肚,真係Kimochi 帶子肉切粒都大粒,蟹肉一梳梳,三文魚籽又脆,口感好豐富雖然等左好耐都值得!鋪頭老細超nice,就算唔識英文都不斷撩我吹水、問下好唔好食我都硬住頭皮用我個幾句嘅日文講野食到6點半我就起身走啦想早少少去到松坂屋個頭行下街————————————————————————————————————————————「熱田蓬萊軒」鰻魚飯食完居酒屋我就拿拿聲閃人走返去松坂屋因為約左個朋友食「熱田蓬萊軒」 「熱田蓬萊軒」係名古屋最出名嘅鰻魚飯店,已經有超過150年歷史其實都唔洗點介紹,因為真係好出名,幾乎去過名古屋都一定會食「熱田蓬萊軒」市內有4間分店,唔少人都會去位於熱田區附近嘅本店但費事走太遠,反正質素方面唔會差得遠所以我就選擇左最方便嘅松坂屋分店(而朋友當日係提早上去預約) 直接叫左2份招牌嘅ひつまぶし(鰻魚飯三食)¥4,600 成個set有:1. 用飯缽裝住嘅鰻魚飯2. 配料碟(葱花、wasabi、紫菜)3. 漬物4. 豆皮清湯5. 高湯分量都好大架,正常男士都應該夠大家可以見到鰻魚切得好細,方便大家分4份,而唔會自己整到鰻魚爛曬而且表皮有少少焦脆,氣味好香,用備長炭去烤,火候確實唔錯醬汁方面都好足夠,唔會過多過濃,岩岩好覆蓋大部分米飯 有啲人可能會覺得切到咁細,乜口感都無啦!扣分啊!但其實包括「熱田蓬萊軒」在內嘅名古屋鰻魚飯店嘅鰻魚切得細真係為方便大家本身呢個set係for大家三吃個陣可以撈埋米飯/配料一齊食如果比成大塊鰻魚就做唔到「熱田蓬萊軒」想要嘅效果第一食係齋飯+鰻魚醬汁係足夠同大部分米飯溝埋,然後留返少少白飯增添返個飯香醬汁味道適中,唔會太鹹太甜,非常好 第二食係飯+鰻魚+3種配料呢個食法會令味道更多,開始傾向清新個邊不過我就麻麻地呢種食法,加入葱花會令口感咬咬下會突然爽爽地,而且葱香同wasabi本身味道其實係好搶嘅配料,有少少蓋過鰻魚個焦香,紫菜就可有可無 第三食係飯+鰻魚+3種配料+淋上高湯,製成茶漬飯高湯味道好淡當飯同鰻魚被高湯浸滿,會無左個種邪惡感覺,令焦香味慢慢流失,但入口就會好舒服 我最愛都係最傳統第一食,始終我食烤鰻魚都係想食濃味同焦脆感所以最後一份都係留返比第一食