《もりもり壽司》近江町市場個part同大家介紹左間迴轉壽司叫「もりもり壽司」其實係金澤車站隔離商場「金澤FORUS」都有分店我係4:30到場，都等左半個鐘先入到去 我就被安排做係吧枱店鋪都採用平板電腦落單 先叫左鱈魚壽司(￥340/2件)、生松葉蟹腳壽司(￥660/1件)、三文魚腩壽司(￥480/2件)鱈魚壽司咬落有微微筋，但上面薑蓉辛香味幫到吊起鱈魚魚香生松葉蟹腳好甜啊，而且肉質好淋三文魚腩超級肥美，魚油好豐富 然後再叫左個5件吞拿魚拼盤(￥1790)呢個我個人都好推薦，值得一試吞拿魚蓉壽司：油脂感尚算豐富，魚蓉都好綿，但紫菜已經唔脆赤身壽司：有少少筋，肉質比較結實，但係好清楚食到有甘酸味拖羅壽司：魚味同油脂相當balance，肉質厚而淋，唔會化開中拖羅壽司：油份多到我以為自己食緊大拖羅，入口好快就化開，好正大拖羅壽司：既然中拖羅都多油份，大拖羅更加唔洗講，超肥美，無牙都食到 海膽壽司(￥660)、富山產白蝦壽司(￥550)海膽壽司我比較失望，我呢件腥味比較重，搞唔掂唯一可以讚係紫菜仲係脆其實我蠢左，應該先食白蝦再食海膽海膽味太濃，搞到我食唔到白蝦有咩味但齋睇樣白蝦係新鮮，口感上都有保持 最後就食埋玉子壽司(￥220)玉子又係相當唔錯，好香濃鰹魚湯味，水份好充足好濕潤 もりもり壽司https://goo.gl/maps/A7XG8ZfsShLAqsoKA食完呢餐，我就正式同金澤講byebye附上我食壽司前係車站最後一幅相之後我趕住攞行李同趕車無影到黃昏相
