《金沢21世紀美術館》香林坊行過去「金沢21世紀美術館」大概5-10分鐘 行到美術館門口就已經會見到一個用好多顔色拼貼而成小迷宮 就係用唔同顔色重疉之下會變成另一種顔色就好似我地小學水彩成日會兩溝咁看似好似好簡單，但玩味十足之餘，原來一直係身邊嘅野都可以成為一樣藝術 大門口係度 一入到黎就要買入場卷 成人：￥450 /￥1200點解會有兩個價格呢？因為裏面展館有好多主題，平個款行少啲，貴個款參觀得多啲我就買左平個款始終大家都知我係一個無藝術細胞嘅人。藝術? 我識條鐵咩我諗大部分旅客去得「金沢21世紀美術館」都係為左影果個泳池架啦而平個款又包到wo仲要重點提下大家，如果你係想落去個泳池底你要預先上網book定架1. 提前1星期網上book- 夠鐘就直接過去Room 6就得2. 即日book waitlist籌- 放心 問左職員雖然叫waitlist 但有預留一定籌數目- 就算你book左例如3點正，都會先比方法1人士完曬先到你- 個籌會有號碼，會有email/網站通知你叫你準備去Room 6排隊但要留意，無論你用咩方法，book個陣都已經要揀定參觀時間詳情大家睇網站啦https://www.kanazawa21.jp/data_list.php?g=75&d=132有個corner位係買下紀念品/美術書 雖然「金沢21世紀美術館」只有地面同地庫2層但開陽空間感令人行得好舒服 其中一個展館裏面有隻狗狗公仔 有個圖書館 有個專門比親子玩嘅美術畫畫活動 又有一個展館展示呢類幾何圖形砌成嘅藝術品 之後去到另一個展館，裏面係以大自然作為主題先用投影機投射樹枝係四季中變化同水滴運行之後再有畫作表現風同水嘅動態同靜態都有以大自然作為主體，但利用顔色變化勾畫出唔同氛圍點擊圖片放大 原來數理同電工都可以係新世紀藝術 笑容都有分燦爛同驚嚇之分 呢類比較抽象畫作都有人欣賞 另外有個別展館係不准拍攝，所以都未能呈現比大家不過相信就算影到比大家，大家都應該無興趣有無留意我上面字數突然減少，因為我真係形容唔到展館嘅藝術品小弟當時真係睇到R曬頭果然我都只可以係個大老粗，毫無藝術氣質同修養可言終於收到noti捱夠鐘可以參觀泳池去到Room 6門口就會有職員核對你號碼 之後就經呢個門口行樓梯落去 見到呢個門就代表你已經游緊入泳池記住每個人只有5分鐘參觀時間 《The Swimming Pool》雖然我一路叫人地做泳池但其實呢個藝術品叫做The Swimming Pool係由阿根廷藝術家Leandro Erlich 所創作，可以話係美術館鎮店之寶我大膽講，呢個The Swimming Pool藝術品係世界知名 大家係度乖乖排隊擺姿勢影下相打下卡然後Po上IG打個caption “我去左泳池底啊 好神奇啊!! <3” (拿 利申定 我無)但老實講，我覺得The Swimming Pool比我最大嘅感覺唔係置身水底而係置身水底同時，自己其實好似獵物咁比係池面嘅人望住你點樣擺po士呢種自我感覺良好 vs 人地望住你自我感覺良好，先係最令人嘆為觀止點擊圖片放大 點解我會有以上感受？當我變返池面人士望返落去，就好有個種令人歡悅嘅感覺未係去到恥笑人地，反而戥人地打卡開心而開心點擊圖片放大 行返出美術館個天已經變陰 凹凸透鏡，好似蟲蟲咁留個身影同大家打聲招呼
