《金沢まいもん寿司》有朋友介紹我黎到金澤一定要食下呢間壽司店係金澤車站已經有分店 鋪頭只有吧枱枱面都已經擺放好餐牌同餐具 師傅會先問你飲唔飲野可以飲酒(自費)或者茶都得有set menu同散叫set menu total有4個set選擇點擊圖片放大 我今次叫左金沢まいもん握り ￥4500裏面會有2件喉黑魚壽司/6件手握壽司/玉子/1件長條星鰻壽司/吞拿魚蓉手卷 師傅會先以大碟形式送上岩岩係面前握好嘅喉黑魚壽司/其他手握壽司/玉子擺放非常齊整點擊圖片放大 花枝壽司：口感有少少黏口，係正常花枝口感，但個人唔係太鍾意甜蝦壽司：蝦肉好甜啊，不過我略顯蝦肉比較軟淋唔夠堅挺竹莢魚壽司：竹莢魚腥味一向唔係個個接受到，包括我，不過魚肉實而飽滿蟹膏軍艦：係蟹膏mix蟹肉，蟹膏味好突出，而蟹肉都保留到甜味，非常好馬刀貝壽司：肉質厚口感爽，自帶少少貝類海產味超級好食油甘魚壽司：魚肉厚身，雖然碰到個下會覺得好似好實，但一咬曬落去就會發覺油份多，好鮮美中拖羅壽司：魚肉油脂感非常重，咬兩下已經開始滲透出黎，正！玉子：水份足，但甜度偏甜，帶有少少酒香味另外重頭戲，亦都係店舖重點推介係喉黑魚喉黑魚係日本白魚品種裏面比較高級嘅一種，唔係度度都有得食同時亦都因為油份豐富，而被人形容為白肉版拖羅而今次個set有2件，分別落檸檬汁同鹽落鹽個舊嘅魚皮會輕輕燒過，好香而且本身喉黑魚係油份好豐富嘅魚，燒一燒就更加令油脂感突出魚肉好好淋 落檸檬汁個舊口感相同但落左檸檬汁反而令魚油無咁膩，又係另一種感覺 然後就係長條星鰻壽司...超長一條肉質相當嫩，但筷子夾住又唔會爛，醬汁甜甜地魚味比較清 吞拿魚蓉手卷塊紫菜真係好值得讚，仲係好脆！而且魚蓉油脂多 另外我係真係想讚醋飯雖然聞落去醋味好重，但食落口又好適中，米飯黏度又岩岩好保持到一粒粒壽司上面細鹽係用呢舊超大鹽分結晶體即刨 「金沢まいもん寿司」係日本有好多分店但大部分都係迴轉壽司形式反而好似金澤站形式嘅就得好少分店，而且水準會更高同埋我都不厭其煩講，金澤同富山係沿海城市，亦都係海鮮好出名城市大家上到黎北陸地區，真係食多幾餐海鮮啊!!!就算我最近減少緊碳水都真係瘋狂食金沢まいもん寿司 金沢駅店https://goo.gl/maps/1Yp9eVtSYzdi7gDy9----------------------------------------------------------------------------------《工房土九》食完飯突然口痕想食甜品就係車站內有間叫做工房土九嘅鯛魚燒專門店買左份鯛魚燒 ￥180都好多人排隊架 店員都無停過手 呢間鯛魚燒唔係得條魚個種，而係四四方方有埋曬邊皮我記得幾年前銅鑼灣都有間鯛魚燒係會整到咁，但最近都揾唔返邊皮位置好脆又好香 裏面紅豆餡多到流出黎
