《魚津市海市蜃樓展望之丘》海市蜃樓絕對係一個可遇不可求嘅景色魚津市海市蜃樓一般集中係3月下旬 – 6月上旬同下午時分先會見到而且要海面平靜、風勢平穩、溫差呢幾個條件都達到先成事我其實都係搏下咋，見到就驚喜，見唔到都唔會太失望係海風亭隔離有個觀光案内所 不過已經搬遷左去車站隔離比較傳統少少嘅建築 可惜職員同我講所有單車已經被借出我只好另覓方法前往海市蜃樓展望之丘係魚津市主要交通都係搭市内循環巴士，上網都好辛苦先揾到班次資料單程￥200https://www.city.uozu.toyama.jp/attach/EDIT/049/049875.pdf 藍色西回線https://www.city.uozu.toyama.jp/attach/EDIT/049/049874.pdf 紅色東回線如果大家去 海市蜃樓展望之丘 / 魚津埋沒林博物館記得要搭紅色東回線，5-8分鐘就到而回程就反而要搭藍色西回線上車地點就係海風亭同魚津站之間嘅巴士站巴士車身已經話埋比你知係咩顔色咩線 由於距離紅色東回線都仲有幾個字先到所以我決定用另一個方法 – 行路去順便當周圍行下，認識下魚津市係觀光案內所隔離隧道落去 一上黎會見到唯一一條直路，一直行就得 沿途都係民房或田地居多 一路行到見到有個「MITANI」，行左手邊條路仔 經過「安全最優先」 行隔離有條小路 就會穿到出去岸邊，再轉左一直行就到 富山縣大力推動單車真係無做錯對住呢個海岸踩單車係無敵般舒服同寫意 當大家見到呢個「道の駅」就知已經到左 黎到個陣已經見全場好多人個個攞曬大炮相機、望遠鏡，準備好充足 大家可以透過相見到其實suppose會出現海市蜃樓個位係好遠係接近射水市嘅富山火力發電廠同新凑大橋 可能見到我好似個傻仔咁行來行去有個胸口掛住個牌寫住「魚津市海市蜃樓研究會」嘅伯伯主動同我傾計我地就好似雞同鴨講，我用我僅微嘅日文，伯伯又好盡力擠少少英文從伯伯口中得知原來今日係屬於非常有可能睇到海市蜃樓嘅日子所以先會吸引到一大班人過黎影相伯伯仲同我介紹睇到嘅情況同角度會好似下面啲圖咁 之所以點解我一開始好似個傻仔，係因為我完全無諗到原來個海市蜃樓係咁遠我無論係遠鏡定望遠鏡都無帶黎正當我欲哭無淚個陣，又係伯伯主動將佢個望遠鏡讓比我，叫我隨時stand by 突然有一刻有另一個伯伯大叫一聲，全世界都即刻舉起所有架撐係我附近嘅其他人都即刻拍我兼指住望遠鏡我都心領神會，即可透過望遠鏡向富山火力發電廠方向望 真係有海市蜃樓!!! 好癲成個景象係發電廠好似鬼咁比人拉長左又朦朧左我唔知咁樣形容岩唔岩，但真係好似恐怖片殺人之後啲血係玻璃垂直落黎個種，又好似有霧氣咁好朦朧點擊圖片放大 我知用電話zoom到最近都影唔到實際效果但我都當係自己留個record點擊圖片放大 +3 我又好傻仔咁想話會唔會可以影到望遠鏡入面個景象比個伯伯笑我，我超柒 我個刻心情都真係好興奮完全無諗過真係睇到之餘，就算語言不通情況下，都遇到好好人老伯無幾耐個畫面就回復原狀我同在場幾個老伯寒暄多幾句同表示感激之後就係附近周圍行呢個方向望過去就係魚津埋沒林博物館配合埋後面個雪山景又係一絕點擊圖片放大 我原先係打算逗留到3點就過去博物館最後我居然係呢個海市蜃樓玩到4點見博物館收5點就無再特別過去大家搭巴士就係呢度落車如果係搭藍色西回線就係對面馬路搭 成個魚津市背景一係海一係雪山
