《魚津市》 魚津市位於富山縣東部同黑部市、入善町、朝日町合稱為「新川觀光圈」往往好多人黎富山都會無視呢個「新川觀光圈」但其實「新川觀光圈」都有好多野玩例如入善町舟川べり桜並木係日本非常著名賞櫻花地點隨時會係海灘執到翡翠嘅翡翠海岸鍾意植物都可以係魚津市市睇巨木根部、洞杉群5月至11月又可以乘坐宇奈月小火車欣賞山中景色前往魚津市途中整個都係立山連峰景...點擊圖片放大 《海風亭》過到黎魚津市第一樣要做當然係醫肚之前有介紹過鱈魚湯係朝日町鄉土料理而講到魚津市鄉土料理就緊係鳳螺我選擇左係魚津站隔離嘅「海風亭」 入到黎已經係傳統日式餐廳格局 我比人安排坐吧枱 比大家望下Menu (呢度係無中/英menu) 價錢無野講，真係好抵平日￥1,190已經食到富魚津特色嘅海鮮丼，就算假日都只係￥1,480但我就叫左呢款「魚津ばい飯定食」￥1,290裏面有鳳螺炊飯、沙律、味增湯、漬物 醃青瓜好咸，不過都好爽脆沙律入面有生菜 / 青瓜 / 蘿蔔 / 蕃茄 / 水芹菜，醬汁用和風洋蔥汁，都好開胃麵豉湯入面有豆皮/金針菇/松茸菇，完全唔鹹之餘仲好重菇味，好好飲 鳳螺炊飯材料超豐富入面有甘筍絲 / 冬菇絲 / 松茸菇 / 豆皮 / 蘿蔔絲 / 金針菇，面頭有芫茜， 將所有材料撈埋一齊食就會充滿菇菌嘅鹹香味，但又冇掩蓋到螺肉特有嘅鹹鮮味螺肉味道濃，口感上一咬會覺得爽脆，但咬多幾啖就會發現肉質都好嫩 我個人係非常推薦大家黎食下呢個鳳螺炊飯味道真係好驚喜，唔係度度都有得食，價錢又抵，唔洗下下都食壽司/拉麵 海風亭https://goo.gl/maps/EJiZNtgtoELqy3f5A
