承接獨遊6日立山黑部/富山/金澤之旅(9) : 立山黑部阿爾卑斯山脈(上) - 前往立山黑部 & 室堂《大觀峰》食完野就係隔離搭立山隧道無軌列車過去「大觀峰」 落車後跟住指示牌行幾層樓梯先到觀景台 但上到黎就會覺得個幾層樓梯好值得行成個景觀好開陽，好似全世界都唯你擁有咁點擊圖片放大 「大觀峰」海拔2316米放心，絕對無需要食高山症藥 正因位處高地，所以好清楚睇到成個黑部湖 有塊牌指示出唔同山嘅名，叫左望過就算 本身無乜人，但好快黎左班台灣團做乜都超大聲 自由行嘅我就慢慢等到個團走我再繼續慢慢睇 隔離一大片雪覆蓋曬，仲正過對面堆禿頭山 唉，如果對面啲雪再多啲就好點擊圖片放大 落返樓梯大家可以稍作休息 本身我落到去係岩岩好有得搭索道落去「黑部平」但我特登唔搭住，等個班一走我就即刻去排隊等下班如果大家唔趕時間，我係好強烈建議跟我咁做 因為當你好似我咁排到第一可以企係索道正前方玻璃窗前你就會明點解我執著呢個位要排第一 望住呢個景又點可能唔心動呢點擊圖片放大 +2 《黑部平》冬天嘅「黑部平」其實都係一塊平地(非冬季個陣會有個庭院睇下植物)唔洗逗留好耐點擊圖片放大 呢個位都有間賣Soba如果大家見「室堂」人多都可以忍一忍過黎呢邊 另外「黑部平」都有個觀景台上到黎最主要都係仰望雪山同睇下纜車點擊圖片放大 +2 《黑部湖/黑部水庫》話咁快就到立山黑部旅程最後一站搭纜車落到黑部湖 穿過一條隧道就會到左水庫 「黑部水庫」位於海拔1500公尺，係日本第一高嘅拱形水庫點擊圖片放大 秋天個陣兩邊樹木都會幻化成紅葉，超級靚反而呢度係冬天就會相對黯然失色，但都唔係話唔靚啊 由於冬天好多湖水都結冰乾渴，見到儲水量都好少呢度有個水庫展望台只要行220層樓梯就可以上去俯瞰成個黑部水庫但我真係太攰唔想行 死懶鬼here同埋我會覺得有埋放水個下會好睇少少 有鋪仔買下小食，樓上就係餐廳 大概行到2點幾我就折返如果大家好似我咁會係黑部湖折返返富山，記得最遲要係15:40搭黑部登山纜車(「黑部湖」上「黑部平」)，否則你就可能miss左「室堂」落「美女平」最後一班巴士點擊圖片放大 「黑部水庫」係每年6月1日至11月10日期間都有黑部湖游遊覽船係30分鐘內坐船遊覽整個黑部湖 終於都要完成立山黑部行程啦返到「室堂」，成個大堂都堆滿曬人cls本身按schedule係可以搭15:20班次落美女平結果排左超過半個鐘，最後係16:00班次先上到，不過見都有特別加開班次 如果有得揀，大家一定要坐左邊！！！！因為你會有無數個可以影雲海嘅機會點擊圖片放大 返到富山站天好彩仲未黑曬 _________________________________________________________《立山黑部購票》2019年或以前有個叫「立山黑部加購卷」 價值￥9800可以單程由富山站經立山黑部前往信濃大町或長野 / 信濃大町或長野經立山黑部前往富山站但呢個如此優惠嘅野係2019年已經成為絕唱而自立山黑部上年開山，就已經變成正常價觀光門票而家經公共交通玩立山黑部，有3個方法1. 立山黑部、高山、松本地區周遊券- 真係好抵- 出發當日去到車站鬥早排隊換領實體票+立山黑部纜車指定時間票2. walk-in排隊搶即日飛3. 上網book定- 2023年就係30/3/2023先有得搶- https://tateyama-kurobe-webservice.jp/AlpenTour/html/VW001W0010.html我就係30/3當日上網鬥快book溫馨提示事前先入上面條Link注冊做會員先到可以book位當日就直接log in開始book1. 入到版面(有英文版)，就Make a new reservation 2. 先選擇你出發日期 + 出發地點 (Ogizawa扇沢 / Tateyama立山) --> Enter reservation details 3. “Section”選擇適合自己嘅車票類別(One Way單程/Round trip來回)- Tateyama Station-Ogizawa (立山站-扇沢)- Tateyama Station-Kurobeko (立山站-黒部湖駅 單程)- Tateyama Station-Murodo (立山站-室堂 單程)- Dentetsu Toyama-Ogizawa (富山電鐵站-扇沢 單程)- Dentetsu Toyama-Kurobeko (富山電鐵站-黒部湖駅 單程)- Dentetsu Toyama-Murodo (富山電鐵站-室堂 單程)“Departure time”講緊係立山登山纜車出發時間唔好誤會係富山站出發時間因為立山登山纜車上美女平係要有指定時間 “Number of People”選擇人數“Bus Ticket”如果大家會係扇沢落信濃大町/長野，就可以係度買埋巴士卷 4. 確認預訂資料 + 比錢第一日上午搶飛係好難搶，個server好廢，支撐唔到咁多人入如果發現比完錢但reservation紀錄乜都無，唔好理咁多，即刻再入個網重新book因為無record=book唔到，就算信用卡有記錄最後會退到錢點擊圖片放大 5. 手持QR code換領於出發前一日去車站換領實體票富山電鐵有部自動換領機，嘟下個code已經可以換到 立山黑部路線圖
