Day327.4.2023《立山黑部》呢日好重要，係我成個旅程重點而且比大家睇...今日好好天 今日天氣凍要上山，要食飽！就係車站附近食吉野家牛肉飯 由於我唔會去長野個邊所以就買左富山電鐵站-黒部湖駅來回 & 08:20搭立山登山纜車上美女平由富山電鐵站出發去立山站都要成個鐘架，而且架鐵都多人搭所以儘管我搭07:12班次，我都06:55就到左富山電鐵站排隊 我早左4個字到都只係排第2而且其實好多人比我更早到，只係排隊係counter換緊車飛咋 如果有行李需要直接寄過去信濃大町/長野，就係閘口度填資料&俾錢￥2500 到差唔多夠鐘，職員就會落閘放狗，帶領我地去到列車度 自己執生霸位啦，記得記得記得...坐左手邊我坐右手邊會少啲立山連峰睇到點擊圖片放大 +5 07:12班次列車去到立山站預定係08:18，等人有2分鐘時間接駁纜車但我班列車delay左2分鐘，岩岩好08:20先到立山站成村人衝上去排隊 / 係立山站換領車票 我本身好驚miss左08:20個班立山登山纜車但職員都好好話唔緊要，可以照搭08:40個班大家記得唔好排錯團體個條隊 立山站有間手信鋪，同時都有埋厚衫/擋風外套/頸巾 好快就放我地入去排隊 識霸一定係霸最前企位個斜坡好斜 你地睇下幾多人 成程纜車大概7分鐘，逼下逼下都好快到美女平點擊圖片放大 落左纜車就要轉立山高原巴士上彌陀原/天狗平/室堂 落左纜車一出出口就已經會見到巴士排隊位唔好留戀美女平，無美女架 如果大家係上彌陀原/天狗平就要留意班次有部分美女平嘅巴士係唔停彌陀原/天狗平，直上室堂不過直上室堂都好，正常下旅客未必需要到彌陀原/天狗平個度主要係有旅館比人住呢程巴士會比較耐，大概50分鐘大家可以望下周圍景色或者補眠都可以 如果經過比較特別景色，車上面會廣播其中1個就係樹齡已經超過300年嘅仙洞杉，係日本森の巨人たち百選之一但係我都sorry 係車裏面唔係太影到 另外會係個彎位度做第2個廣播，個checkpoint叫做滝見台係呢個位會見到非常遠處嘅日本第一最大瀑布 - 稱名瀑布(称名滝) 不過唔俾落車 & 停個幾秒其實都好難影所以大家係經過完仙洞杉後就換定近鏡海拔越來越高，山頂積雪就越多逐漸地開始白朦朦一邊，雪橫遍野 好大舊雪山啊！！好靚啊點擊圖片放大 以往好多年4月中下旬積雪狀況係好壯觀，幾乎唔會見到綠色存在但今年熱得好早，會見到山頂位置已經有部分變綠而新聞都有講到今年雪牆高度直頭創新低點擊圖片放大 +3 將來係點就真係好難講，但我都建議大家趁早去啦我有朋友5月中去話已經融左好多，同我嘅圖都已經爭一大截呢度就係彌陀原秋天個陣景色都好靚，有條步行徑，鳥語花香 一路再上都係相似景色，都係雪地+杉樹點擊圖片放大 見到呢啲雪牆就知終於都接近室堂 見到人行路啦個個都排隊影相，心裏面都係D7緊架車快啲走 《室堂》落車行入去室堂站，無論行出去雪牆、食野定轉車上「大觀峰」都係呢度進行 要出雪牆跟住指示牌行出去 提提大家真係真係真係要戴太陽眼鏡同搽防曬如果唔係一定會曬傷...我就係唔記得搽防曬，結果塊面/頸/手背都曬傷曬甩皮溫度係負4度不過我衣著都唔多，保暖底衫+長袖Tee+外套都頂得住 呢啲牌大家唔洗心急排隊影，成條路都好多類似牌比大家打卡 通常全世界景點都有個共同點係會有職員幫你影相，然後撩你買立山黑部都有 但我絕對建議大家影因為無論最後買唔買，店員都會送一張迷你版比你我就有另外買埋張大size ￥1500 之後就沿路一路行落去打卡位周圍都係白色，好正爭啲想cosplay Elsa~~let it go~let it go~點擊圖片放大 +3 巴士班次都好密，我行落去短短十分鐘都已經見到2架點擊圖片放大 見到人龍就乖乖地排隊啦，全世界都係排緊影無阻擋雪牆+自己相點擊圖片放大 +2 啲人就係為左影呢塊野都值得嘅 再趁未有人個陣快手影曬成個無人景象 雖然得13米高，但親眼望都仍然覺得好高好壯觀 另外有條路仔行出去都可以望下雪山點擊圖片放大 返到室堂站未完架，記得要行樓梯上埋「室堂平」 一上到黎就會係個展望台可以望曬頭先行個段行人路 之後再向山方面前進，映入眼簾就係雪地+雪山構成嘅全雪景點擊圖片放大 +2 真係超靚 超有浪漫感 雪厚到可以cover曬對鞋 仲可以見到雲海 有人會上山滑雪但大部分旅客都係漫無目的行下打下卡 春夏秋季呢度有個地獄谷同好多個池，仲有好多有趣景象不過冬天大部分都會完全被雪覆蓋住，無辦法睇到明明對眼望落雪山好似距離自己好近但就寸步難行，行100米都要行幾個字咁 有條路都有個迷你雪牆而且無人經過，任我影相同自拍都有6-7米架點擊圖片放大 對於第一次真係近距離睇雪山景嘅我真係覺得好震撼好靚如果有機會，我都想去瑞士睇下更壯觀嘅雪山之後我就返左車站食少少野呢間立食Soba轉下眼就超多人 排到你個陣就買飛再等有位就入去啦 我係度食左之前介紹過富山名物 – 鱒魚壽司鱒魚係腌製過有少少鹹，下面醋飯亦都比平常酸少少
