《前往高岡地區》今日行程主要係多啦A夢嘅故鄉 - 高岡係富山過去高岡市，主要可以新幹線轉JR或者好似我咁搭愛之風富山鐵路，都係半個鐘就到高岡站 但今日真係出師不利連鐵路今日都delay......話有故障我9點係月台，但8點個班次都未到富山站，我仲plan好要搭9點半個班多啦A夢列車 結果去到高岡站已經係9:34分，最後都係趕唔切搭萬葉線多啦A夢列車比個多拉A夢時間表大家睇，每1小時45分鐘1班https://www.manyosen.co.jp/files/topics/dora307all.pdf本身今日個plan係搭多啦A夢列車去新凑 --> 雨晴 --> 高岡市區 (高岡大佛)但既然miss左多啦A夢列車，但下一班萬葉線列車又要等半個鐘所以我就調整左個行程先去高岡大佛 《高岡大佛》高岡大佛、奈良大佛、鐮倉大佛係日本三大佛像(雖然我覺得3個像係香港天壇大佛面前都不值一提)「高岡大佛」高15公尺，擁有超過8百年歷史，全銅製，係高岡市指定有形文化財而「高岡大佛」容貌同時亦被譽爲日本第一美男算係高岡市最著名觀光景點去「高岡大佛」唔洗特別搭車，行路過去都係5-10分鐘係高岡站出向右手邊(北口)落樓梯 右手邊會見到有Lawson，就沿住條路一直向前行，行到盡頭就轉左 之後你會見到有個十字路口就過馬路繼續行 一路keep住向前行唔洗5分鐘應該就會見到遠處個「高岡大佛」 成個區域真係好細，條表參道都係行幾步就完個種 「高岡大佛」有個相傳比較神奇嘅地方係越向大佛行過去就會見到大佛對眼好似慢慢打開咁我就未留意到呢樣野，如果大家去的話幫我留意下有無呢個感覺點擊圖片放大 「高岡大佛」座下有個迴廊，免費參觀 迴廊入面除左有入口個3尊佛像外裏面仲有高岡戰後10位畫家用高岡御神木-大杉樹製成嘅畫布而繪製嘅13幅佛像畫點擊圖片放大 仲有1個第二代佛像本尊被燒毀殘留嘅頭部 有個銅製吊鐘 成個景點好細，大家可以預3個字就參觀完(除非大家對佛學好有興趣) 途中見到粉紅色花，唔知咩黎 除左大佛之外，係高岡市內行會見到隨處好多唔同銅像原因係高岡市係一個好出名製造銅器/鐵器/錫器嘅地方，鑄造技術已經有超過4百年係日本好多銅像都係出自高岡市 御旅屋通り商店街 ________________________________________________________________《新凑漁港 / 新湊內川》返到高岡站都仍然只係10點幾，我都唔想再為左部多啦A夢列車而等多成個鐘結果我就上左普通列車 高岡萬葉線有好多款列車我呢款係最舊，連找續機都無，要車長人手找錢，亦都無得用任何卡比錢另外我見到有其他款係比較新穎 我係「西新凑」落車 然後向馬路方向行會見到有個「Cross Bay Shinminato」呢度可以比大家稍作休息 同埋可以係度租單車踩，而呢個本身都係我嘅plan不過落雨就算啦係隔離穿過去都係民居為主 直至行到「西橋」就會見到民居住房係兩旁，中間有條「新湊內川」 拿，戴左頭盔先，以下形容我都係網上copy「新湊內川」係兩旁住宅中間川流嘅特色，被譽為係「日本威尼斯」咁究竟係咪真係「日本威尼斯」等我帶大家一探究竟成條「新湊內川」我會行足一半，之後會揾個位離開去下一個地方由於中間川流兩邊住宅，所以成條「新湊內川」有好多條橋連接兩邊「西橋」就係其中之一 繼續向前行就係凑橋 出面個條大橋叫奈呉の浦大橋，好天個陣企係橋上可以好清晰見到立山連峰 跟住依次介紹埋「新湊內川」部分橋先新西橋、中の橋、中新橋、神楽橋點擊圖片放大 係神楽橋隔離有個川の駅 新湊係比大家乘搭遊覽船圍繞「海王丸」同「新湊內川」詳情大家可以參考下面條linkhttp://shinminatokankousen.jp/cruise-normal.html 本身我係打算先去海王丸行完再搭船過黎「日本威尼斯」，不過落雨就收左我皮與其話係「日本威尼斯」，不如稱呼左「日本大澳」算啦唔好阿貓阿狗見係疑似水都就侮辱威尼斯呢個其實都係通病之一就算我鍾意日本都好，好多時好多景點當地傳媒/專門博人眼球嘅youtuber都真係過分吹捧雖然呢日落雨，但我都腦補唔到天氣好個陣會有幾靚 行返內街主要都係住宅為主，會有少量地鋪同寺廟真係商店/超市就要去返大街 行到我自訂嘅盡頭會係東橋呢條橋其實係我今次黎「新湊內川」嘅重點設計好靚，用左亞洲紅同歐洲橋外觀點擊圖片放大 +2
