《富山玻璃美術館》+《富山市立圖書館》一係酒店出黎就見到出面落雨然後慢慢行過去「富山玻璃美術館」&「富山市立圖書館」，都係5分鐘路程途中會經過「大和富山店」，都係日本老牌商場亦都係呢邊少數可以夜晚解悶嘅地方 再向前行多兩步過對面馬路就會見到「富山玻璃美術館」&「富山市立圖書館」 如果大家搭電鐵過黎就係「グランドプラザ前駅」落車點解我會話係「富山玻璃美術館」&「富山市立圖書館」原因其實係圖書館(3-5/F)本身就係美術館內，可以話兩者係合二為一 呢座美術館好巴閉架，由美學建築師「隈研吾」設計外觀用左鋁片、玻璃同御影石等質料建成帶出一種冷冰冰嘅美感，即係類似冰山美人feel行入正門就已經係接待處，亦都係售票處如果大家係打算參觀玻璃展品/特別藝術展覽就要比錢不過我都好老實講，小弟就0藝術細胞同觸覺，就真係無興趣參觀相關展覽 門口隔離有個木製小建築物就係個類整到路軌咁等個波慢慢過五關斬六將由頭碌到尾 就算大家無比錢買展覽門卷，都可以上扶手電梯因為本身座building係免費開放，而樓上幾層除左展覽外都有圖書館 上到黎會見到建築内部設計以木色同柔和金黃燈光做配搭望住會覺得成個建築物好高檔次而向更高樓層望過去你就會更加覺得成個建築都係藝術品每一層個層次都好分明，但相近顔色又會令你好似比金黃色漩渦包圍係中心點咁點擊圖片放大 上到黎3樓就係「富山市立圖書館」 全世界圖書館嘅書都係一樣分門別類擺放但你會見到「富山市立圖書館」成個設計係同「富山玻璃美術館」互相融合之餘，亦有好多細節位包括足夠座位，利用好多鏡增加空間感，木製層架增添自然感，有好多窗增加採光度等等都會令人覺得置身係呢個圖書館係好享受、好有書卷氣氛同藝術品味點擊圖片放大 例如大家見到呢類有人把守關卡就係要付費入場 另外館内都有少量呢類藝術擺設 行到最頂望落去會有龍捲風感覺由頂至底一路收窄緊 而成座美術館設計本身就係吸引我黎嘅原因因為美術館自己本身就係一個美術參觀完美術館見google map話行過去富山車站都好近就決定係呢個毛毛雨時刻漫步下 本身個plan係打算行埋富山城址公園但落雨濕濕行公園都無謂途中見到有條「総曲輪商店街」係乜都無嘅
