《富山電鐵》係富山市内行走，比較多旅客使用就一定係富山電鐵富山電鐵係路面行走，會經過好多富山市内大部分景點同熱鬧地區 單程￥200無論現金定日本大部分流通儲值卡都可以付款 如果大家一日內搭多過3程，都可以買1 day pass ￥650不過呢，由於係路面行走，delay係在所難免所以大家唔好依賴個時間表同乘換案內，完全唔準嘅 -----------------------------------------------------------------------------------《富山御宿野乃天然溫泉酒店》靠富山電鐵搭到「大手モール駅」再行多幾步就到我呢3晚會住嘅酒店係日本芸芸眾多連鎖酒店裏面，Dormy inn算係我比較鍾情嘅品牌而「御宿野乃」就係Dormy inn集團旗下行高檔次少少嘅酒店，近幾年分店都越開越多 我曾經係米子個邊住過1次「御宿野乃」就愛上左呢個品牌而且聽聞富山分店係更正Check-in個陣會有服務員帶走你個行李箱仔細幫你清潔而攞到房卡之後大家要先除鞋，寄存係地下大堂locker原因係全酒店都係唔准著鞋出入，所以大家嘅穿窿襪就留返係其他酒店著啦 上到我今晚住嘅8/F，兩旁都設計到好似溫泉旅館咁 終於揾到我間房 開完房門就會有個全身鏡 房都算好空曠，基本上打開兩個28寸行李箱都無問題 雙人床都好大，棉被好舒服，床褥同枕頭都唔過硬過軟 房間廁所浴室係乾濕分離 而其中一環最值錢部分就係房内可以直接將溫泉水送入房中唔洗落去2樓溫泉同人怒漢棍撞棍不過呢...要填滿呢個木製浴缸足足要等10分鐘係呢10分鐘期間流出嘅水一路變涼，到最後其實唔算好熱個人都係鍾意去溫泉，範圍空曠，水更熱 但成間房都充滿日系風格，超舒適我可以好有信心講係值回票價2樓溫泉區 + 早餐用餐區 (夜晚送拉麵都係度食) 另外御宿野乃個早餐都係另一賣點，到講到下一日早餐環節再同大家開箱仲有一定要提大家住富山御宿野乃一定要問前台攞富山電鐵免費卷1份有2張，即係可以free 2程而且任攞，即係每日都可以慳￥400用個陣撕開張票好似當錢咁入落個收錢箱就ok 之前都講過御宿野乃其中1樣賣點就係早餐住呢三晚我都特登加錢加左1次早餐 (都百幾蚊...)用餐區唔算非常大，可能都預未必個個住客都會食酒店早餐 我由入場位置開始掃比大家睇有咩食啦門口位有唔同款嘅冷盤好似豆腐 / 螢光魷魚 / 各類漬物 / 溫泉蛋 再行入少少就會有煎魚 / 玉子燒 / 蘿蔔等 轉個彎就有炸物有炸雞 / 炸蝦 / 薯條 / 香腸 / 煎蛋 轉多個彎就會有最值錢環節，都係點解御宿野乃早餐會受歡迎原因就係可以diy魚生飯有白飯 / 醋飯比你選擇，先打好個底 每日有會4款海鮮任你選擇不過聽聞三文魚子同蟹肉係鐵膽今日另外2款就係甜蝦同鰤魚 行到最角落就係湯有蔬菜麵豉湯同鰹魚湯 又有題外話，鰹魚湯係富山朝日町最具代表性美食本身我plan左去朝日町試，不過後來改左行程無去到最後就係一堆沙律 / 生果 / 甜品 / 飲品 / 麵包點擊圖片放大 比大家睇下我食左咩，盤滿缽滿 螢光魷魚我食左2碟，完全唔輸上一晚係壽司玉個質素，咸香味重，口感又脆蔬菜麵豉湯完全唔鹹之餘，反而好甜，有椰菜味好出鰹魚湯湯底好清澈，清甜唔油膩不過煎三文魚就過鹹啦炸物粉漿都好似厚左少少，但蝦肉同雞肉調味都ok魚生飯老實講，其實就正正常常，都唔會要求魚生要好新鮮，起碼魚無腥味，蟹肉都有甜味(甜過我前晚壽司玉個舊)，三文魚子幾好如果大家住御宿野乃，我都建議大家加1個早餐，會覺得好有驚喜又唔洗日日食，會厭富山御宿野乃天然溫泉酒店https://goo.gl/maps/VcDtfLNbVC8A18sNA
