《仙台光之樂章》燈飾活動食完仙台最後晚餐就係商店街行 行到商店街盡頭就會係定禪寺通而呢個亦都係我呢晚最後一個景點，我都期待左好耐每年仙台係12月中上旬 - 12月尾都會係「定禪寺通」舉辦大型燈飾活動而呢個燈飾活動就命名為「仙台光之樂章」而2022年就係由9.12.2022 - 25.12.2022舉行晚上7 - 10點 (星期六日會提早1個鐘) 係「定禪寺通」兩旁同中間並木大道掛上黃色燈飾呢晚係星期六，我預左會好多人點知係多人到水泄不通 見到樹上掛滿曬燈飾雖然全部都係黃色，但密集程度好驚人係夜晚亮燈，更顯得成條大道金光閃閃 9成人都過馬路行去並木大道中間慢慢行掛滿燈飾嘅樹包圍住自己眼前望到就係金黃色發曬光但係...我呢啲矮仔好慘 要gut高先睇得清楚乜而家日本人咁高架！！！點擊圖片放大 夜媽媽見到「夏の思い出」銅像，變得0吸引力 抬頭望上去燈飾，不斷縱橫交錯好似為自己添上一個屋簷 行到仙台媒體中心附近，有個位比大家行上幾級會影得靚好多但留意...係要比錢 ￥500 呢個心心背景就唔洗比錢啦，不過要排隊 成條定禪寺通都會係咁點擊圖片放大 我無行到盡頭啦，係心心位置就折返，出返去大路一路行返去勾當台公園係勾當台公園站外，會有表演單位呢個男人好似話已經係度好多年，帶比群眾雜耍表演 睇左一陣，見到時間都已經9點幾我都正式撤退返酒店啦成晚流流長，要執好曬行李！我個人偏好shopping會擺係尾2/3個日就可以係尾2晚執好曬行李，唔洗去到最尾個日仲成日要打開個行李箱而一般我最尾個日都唔會再點買野
