燒牛舌名店 - 《炭燒牛たん東山》Shopping真係一樣好消耗體力嘅工作返到仙台去酒店擺低野我已經餓到不行去返商店街附近覓食本身我係plan左去仙台老字號「旨味太助」食牛舌 (tabelog前3)但要行到去仙台三越個邊先有我實在太餓頂唔緊所以就係商店街附近食都好有名氣嘅「東山」牛舌 大家見唔見到個門牌印住仙台牛呢無錯，呢間係有提供都相當具備名氣嘅仙台牛打開Menu大家會見到好多款鐵板仙台牛定食、生牛肉等連牛舌刺身都有，但薄切但我都只係重情於牛舌 sorry…點擊圖片放大 +2 「東山」牛舌定食都分2個等級，普通(￥2178) vs 特選牛(￥2980)如果唔想咁寡齋食牛舌，都有好多牛舌拼牛扒combo我就叫左份特選牛(￥2980)「東山」set價錢都算實惠，而且成個set都多野大麥飯、大葱牛尾湯、前菜、漬物、山藥泥、蘿蔔泥同10舊牛舌(橙汁係我另外自己叫咋) 先講大葱湯表面油份比較多，飲落都強大葱味 前菜係燉牛肉非常靭、好鞋，醬汁係甜甜地，類似鎮江骨 味増漬物鹹淡適中重頭戲係牛舌啦「東山」牛舌切得比坊間其他牛舌為幼，所以切左10塊但應該同平時6塊個分量差唔多，厚度都差唔多 可以睇到表皮會交我前面食個3間都較為淺色，焦香味亦唔顯著咬落去唔係屬於爽脆，而係屬於爽嫩個種，並非外層都烤至焦脆肉質係好嫩，牛味好重牛舌中間呈輕微粉嫩，油份都好重每一舊都係爽嫩點擊圖片放大 而且「東山」隔離附有蘿蔔泥同Wasabi，係推薦食客可以蘸牛舌，改變味道不過個人覺得我食燒牛舌，就係要食個重口味感蘸完蘿蔔泥反而失去本身油脂感Overall黎講「東山」唔差我會覺得「東山」係肉質上表現好突出但當然味道上我就覺得稍為失色少少，尤其整個炭燒味係比較欠缺個人觀感都係比較鍾意食重口味燒牛舌而食完呢餐牛舌我可以同大家講我心目中食過嘅仙台燒牛舌店排名 (善治郎、利久、伊達、司、閣、東山)Tier 1：「閣」>=「司」無論肉質定燒肉味道都非常平衡，絕對係一定要試Tier 2：「善治郎」>= 「東山」善治郎勝在平均，每項環節都處理得好但可以更好，而且排好耐隊；東山肉質應該係6間最嫩，但可惜炭烤味未達我把尺Tier 3：「利久」&「伊達」利久最大唔好係分店太多，質素唔穩定，上限高下限可以好低伊達都係屬於平均值比較高，每個環節都唔差但講唔到咩好，可取係排隊人數少過善治郎
