Day 4 一早起身去松屋食個早餐先 原來松屋而家變左叫號自己取餐，同以前買完飛就交比店員唔同曬真係太耐無去日本 朝早仙台站附近反而比較冷清可能係平日，個個都一早去曬返工 《宮城蔵王キツネ村 (宮城蔵王狐狸村)》 今日係我呢個旅程第2重頭戲 (第1係大內宿)就係去位於白石市「宮城藏王狐狸村」「宮城藏王狐狸村」係一個狐狸養殖場，裏面飼養左超過100隻狐狸當中包括稀有銀狐、青狐、白金狐、北極狐等要去狐狸村交通唔算好方便，基本上都係得3種方法新幹線白石藏王站 轉巴士JR白石站轉巴士JR白石站轉的士要留意，一日只得2班巴士來回而且唔係日日有巴士，大家要上狐狸村官網/巴士官網定期望下好似2022年11月起就逢星期五、六、日、一及公眾假期營運而2023年2月就變成每日都有http://takeyakoutu.jp/miyagizao_sanroku_access.html比大家望埋班次圖基本上就預你一係上午或者下午環節去狐狸村好細，真心玩唔到4個幾鐘，仲要個度係無餐廳雖然10:42-12:05 / 13:42-15:10確實有少少趕，但都夠嘅白石藏王站係一個細新幹線站，唔多班次會停站白石藏王站最接近10:10 / 13:10 新幹線班次仙台出發：09:00 - 09:14 / 12:23 - 12:37福島出發：09:39 - 09:50 / 12:05 - 12:16要轉巴士就西口一出就會見到巴士站 白石站最接近10:10 / 13:10 JR班次仙台出發：09:02 - 09:49 or 09:26 - 10:13 / 12:20 - 13:08福島出發：09:34 - 10:08 / 12:39 - 13:12要轉巴士就一出閘右手邊有天橋過對面，一落橋停車場就係巴士站巴士同鐵路接駁上都算好順係個別time-slot可能等耐少少而且通常特意去某偏遠景點嘅巴士都會稍稍等埋列車班次，delay幾分鐘都會等我自己選擇左由仙台09:26出發去白石站，滿心歡喜10:13落車過對面就有巴士結果比大家望下我最後搭咩 係的士啊 頂！！！！大家都知係日本搭的士係好貴好貴好貴成程每跳1次表，我個心就遭受重擊是緣係架列車無啦啦有少少故障，其中有度門閂唔到，搞左一陣先搞到結果就係我遲左成12分鐘去到白石站，然後再係停車場奢望左幾分鐘最後死死地氣去搭的士雖然沿途雪景真係好靚，但我眼神都係停唔到望住咪表窮J真係窮J 臨去到狐狸村前路口終於趕上巴士，跟住係後面行 如果大家搭巴士，落車後就要行多幾步 我就係正門口落 周圍都白茫茫一遍，好靚好浪漫好有冬天感覺 由呢個門口行入去推開門就已經係比入場費入場費 ￥1000 職員都會同大家簡單講下要注意事項除非係抱狐狸活動，否則不可伸出手指，一定會被咬所有身旁吊飾都要收埋，包括背囊帶或其他會條條fing嘅野唔好亂踎低唔可以胡亂喂食唔好係狐狸面前摷自己袋唔好近距離影狐狸 + 攝影時唔可以有快門聲其實仲有其他，不過大致上我覺得要留意係以上呢幾點入場後已經會見到有籠困住幾隻狐狸，都係準備之後「抱狐狸活動」之用 大家記得唔好錯過呢個「抱狐狸活動」￥600可以親手抱下狐狸，接觸下每日有兩節 11:00 同 14:00 基本上一落巴士入場就可以去排定隊參加「抱狐狸活動」 ￥600大家企係張相視覺位置按指示排隊就得會順便收錢，只收現金 到安排你正式體驗前會帶人埋座，亦要求上身披上熒光黃外套同下身披上橙色外套 會有工作人員教大家點抱但信我，教完到你自己當刻抱都仍然會好亂 至於你會抱邊隻狐狸就全憑運氣啦我就好好彩抱到我最鍾意最想抱嘅啡色狐狸想講狐狸好大隻，我個隻會不斷郁黎郁去我懦夫仔驚到爆，完全驚到唔識做表情，成個阿儀咁目無表情 好幾次都要職員幫我手安撫狐狸連position都轉埋就知狐狸郁得幾多 職員會用你提供嘅手機瘋狂幫你影相，角度個啲就唔好奢求啦但前前後後都影左18幅 狐狸毛手感硬硬地，硬過貓狗但瘦瘦地無乜肉，好易摸到肌肉同骨同埋狐狸有浸動物味，我唔識點形容，羶定騷味？「抱狐狸活動」大概歷時15分鐘如果你要趕巴士返落白石市就代表你得返大概9個字時間周圍行行到入飼養場就係更加自由嘅地方成大片地周圍都係狐狸走來走去，我都比個數量嚇親 裏面真係各式各樣狐狸都有 反而我越睇越鍾意呢種黑色狐狸，好型好有神秘感 呢度啲狐狸係絕對唔怕人你有你行，佢有佢自己訓教 你反而仲要讓路比班狐狸小主點擊圖片放大 +3 中途見到有2隻狐狸打交，好激烈打打下其中1隻突然唔郁，而勝者反而係度哀嚎，唔知咩事點擊圖片放大 裏面有個神社，係雪景陪襯下好有feel 開頭咪同大家講左少少注意事項其中1樣係唔好有條條fing野，免得有狐狸咬，大家唔好忽視因為我已經深受其害 我本身入場有收埋背囊帶，但後尾除低係背囊內攞水飲後唔記得再收埋結果同比隻狐狸咬住我背囊，糾纏左幾分鐘先趁狐狸鬆口我即刻閃隻狐狸一路咬一路想拉我走...嚇死我有2個韓妹仲話叫我打走隻狐狸 cls有狐狸咬人地條鞋帶添...比大家參考下 呢2隻狐狸叫得好大聲，好似合唱咁 冬天去狐狸村真係一絕先唔好講狐狸，齋講景已經無得輸點擊圖片放大 +2 比多幾張狐狸相大家點擊圖片放大 差唔多夠鐘搭巴士，8成場內人士都會自動自覺離開場地如果你見到突然無曬人，你要小心啦 離開狐狸村前會路過村內手信店裏面好多狐狸公仔或同狐狸有關周邊商品 店內寫明不准拍攝，大家唔好亂黎我係問准左店員先允許影1幅環境圖，但對住商品影都係唔可以 等到巴士到大家就上車正常去程如果你搭巴士買左來回卷，上車就直接比車票車長就得但如果好似我呢啲黑仔王唔係搭巴士上，就上車直接同車長講你邊個站落同比cash 巴士同返仙台嘅新幹線接駁唔太好係白石藏王站都要等接近成粒鐘先有車返仙台(白石站唔洗等太耐，但本身程車就搭得耐好多) 白石市整體都係住宅區為主，算係三線城市
