燒牛舌名店 - 《司》返到仙台都5點又無食lunc就去醫肚算作為牛舌發燒友，呢晚緊係都係食牛舌無理由介紹利久、伊達呢啲咁行比大家所以就選擇左名氣係遊客中未必強過4小強，但超受當地人歡迎嘅「司」而且係Tabelog分數長期霸佔前5名 「司」算係燒牛舌店 mix 居酒屋，除左牛舌外都賣好多其他小食，當中好多都同牛有關添係仙台都有幾間分店，其中最方便最近仙台站就係「名掛丁商店街」，仙台站一出行天橋一落行前少少就係其實就係我上一晚食善治郎再行前多幾步比大家望下menu價錢都好合理點擊圖片放大 我就被安排坐吧枱位，可以望住師傅烤牛舌 「司」牛舌定食就無分咩等級/厚薄，只有size之分我叫左個3塊6切定食 ￥2266 定食附送大葱牛尾湯同大麥飯湯好好飲，大葱香味好足，而且又唔油，牛尾部分都淰但又有咬肉塊口感 牛舌無分等級/厚薄，本身已經算係厚切6舊牛舌每舊都口感爽脆，完全無筋雖然未有保持到牛舌中間粉嫩狀態，但肉質仍然係好嫩表皮微微焦香，但又好脆，咬到中間就變嫩，無得彈完全無需要加任何調味料已經好得同時配上有pat綠色Wasabi醬，蘸完又係另一種風格，解膩又fresh點擊圖片放大 另外要讚下個漬物鹹淡適中另外我係餐牌仲見到樣好吸引我嘅食物就係烤牛尾 ￥913 牛尾好油，完全係邪惡之物而且邊位烤到脆卜卜不過齋食牛尾我就覺得少少過鹹，配酒/送飯會好少少
