松島さかな市場 (松島漁市場)如果大家唔去鹽釜漁市場，松島都有個漁市場係「五大堂」同「福浦橋」之間位置 但其實規模好細裏面有幾間鋪頭仔賣下壽司、魚生飯、定食都有生蠔、海鮮乾貨同手信等點擊圖片放大 +3 大家就自便啦但我就寧願選擇街邊好多食肆鋪頭，選擇都好多 「松島漁市場」門口有專門食燒蠔我見入面都坐左好多人「松島漁市場」附近有個伊達政宗歷史館 「福浦橋」 & 「福浦島」沿住松島海岸公園行到盡頭就係最多人打卡嘅「福浦橋」同「福浦島」 要過橋就唔係免費，要比￥200入口一入去就會有自動售票機，全世界都要經呢度入去 「福浦橋」曾經係311地震受創，後來由台灣日月潭觀光船業者捐錢修復所以特登豎個牌係度表示日台友好 同好多神社橋一樣，「福浦橋」都係朱紅色設計，有一定長度連接松島灣同福浦島由於橋身靚，再配合美景，成為去松島必去景點 如果大家想等到無人影橋 / 自拍，就真係要天時地利人和啦我就唔算好命，都係等唔到無人景況係橋上望住個風景都好正點擊圖片放大 呢個角度影到好似烏龜 行到盡頭有唔少人都會折返，但大家不妨繼續係「福浦島」入面行下，感受下大自然最重要係可以清晰地睇下唔同島嶼 島上有幾條路線，我就求其行啦 過左公廁無耐會見到有個好開陽位置，會望到好多唔同島 我本身想行去見晴台，但唔知點解行來行去都揾唔到明明跟住google map同指示牌，應該係個島邊 行行下見到有個涼亭，我上網睇見晴台好似唔係呢個樣 但行上去望出去景色都好靚，好遼闊近距離望到引通島、千貫島、德浦島、燒島 12月中無曬紅葉啦 得返枯葉 行到去「四季彩堂」都係睇下景同島為主 我百無聊賴係「福浦島」慢慢行大概用左半個鐘-45分鐘兜左大半個圈就出返福浦橋 3點幾4點已經開始日落 都有人會趁日落時間入去福浦島 / 行下條橋個位睇日落都靚 不過大家要留意冬天11至2月，開放時間係08:00-16:00而3-10月則係至17:00係「福浦橋」大家可以選擇行去松島站 / 松島海岸站搭JR返仙台 係開頭我咪話去松島有3樣野比較多人做，而我本身都會做但大家有無留意我有一樣無做到就係上白衣観音展望台睇松島灣景色我居然係上左JR就快返到仙台我先醒起自己漏左又有藉口下次補去
