松島海岸搭一個站就到「松島海岸駅」 之前都有講過，「松島灣」有260個大大小小島嶼而聞名亦都係日本三景之一 (其餘兩景係天橋立同宮島大鳥居)係仙台地區最出名景點黎得松島海岸有3樣野大部分都會做乘坐觀光船福浦橋打卡白衣観音展望台飽覽松島海岸全景大概了解過松島海岸地理位置後，我就由右至左開始行先去雄島 雄島一向被視作係個神聖之地，樹立好多供養紀念碑呢啲當年僧侶修行嘅岩窟 連接雄島嘅渡月橋點擊圖片放大 穿過呢個好矮岩穴點擊圖片放大 +2 係妙覚庵跡呢個位睇風景其實唔差 行返出去就慢慢行去搭觀光船大家要預留返時間，雄島去觀光船碼頭都要行10分鐘 行到碼頭即刻遊客上身，打個卡先 要坐觀光船，係松島海岸駅一出已經有得買飛，盛為￥1000每小時1班船無限你要搭邊一班，全日其中一班就得如果大家未決定搭唔搭可以唔買住，因為沿途都有好多點可以買船飛，碼頭都有 我坐呢款觀光船就兩層如果想坐上層就要比多￥600小弟就無上去啦 大家記得記得記得，一定要坐右手邊因為大部分島嶼 / 有介紹嘅島嶼都係右手邊但我超傻坐左手邊，每次開咪介紹島嶼我都只可以離遠望 = 嘥氣 比大家睇下個路線，到時大家坐船就自己對返咩島小弟記性真係差左好多，好多島我望返相都對唔返係咩點擊圖片放大 +5 我其實講唔出坐觀光船係咩感覺因為齋望島嶼其實又唔係話好震撼，隔住塊玻璃又唔係真係睇得咁清尤其越坐得耐，船身玻璃就越多塵就越朦 所以不過價錢就唔算貴，如果大家坐右手邊應該感覺會好好多《Pensee 咖喱蠔炸麵包》落船後有少少肚餓走去對面有間「Pensee」專賣炸麵包 我叫左個「咖喱炸麵包」￥300麵包外皮好酥脆好金黃，而且唔會過厚好似韓式熱狗個種表皮厚過豬皮裏面有兩隻蠔同咖喱汁，咖喱汁裏面又有紅蘿蔔同薯仔咖喱味好突出好香，唔算好傳統日式咖喱個種甜，反而少少似港式蠔就因為咖喱味太重，就唔太食到蠔味，但本身size都好大隻 如果大家少少餓，可以試下呢個好似得松島分店先有，其他分店得普通麵包《五大堂》醫完肚仔就向五大堂島上嘅「五大堂」行去 途中經過瑞巖寺入口瑞巖寺屬於國寶級寺廟如果大家對歷史文化有興趣就一定唔好錯過但唔好意思...小弟屬於比較無文化一族，對風景可能興趣大少少就無入去參觀 講返「五大堂」先「五大堂」係807年已經建立而伊達政宗就係1604年為左復興佛教而係瑞巖寺重建呢個我地宜家睇到嘅「五大堂」「五大堂」係供奉左五大明王而被取名為「五大堂」建築風格屬於桃山建築，係國家重要文化財產 要行入去「五大堂」就必先經過2條紅色橋唔好睇少呢2條橋，因為樑木之間足足有15cm間隙，一唔留神就好易差錯腳點解要整到咁闊呢？絕對唔係無錢無材料而係俾你睇住腳底下嘅大海，亦係過橋時注意自己腳步，抵達佛堂前集中自己注意力仲有，呢條橋都有個花名叫「結緣橋」，話因為過橋驚險而好多男女會拖住行，行出愛火 過完橋就會見到「五大堂」 不過我相信更多人會比係「五大堂」見到嘅景色所吸引仲要撞正變返天朗氣清...可以見到「福浦橋」同「福浦島」 亦都會見到好多島嶼，包括経ケ島、亀島、鯨島、引通島、徳浦島等點擊圖片放大 就算大家對歷史建築無興趣，都好推薦大家行入黎睇下風景
