善治郎 而第一餐我就食左「善治郎」，亦都係我曾經食過而又印象好深刻嘅牛舌店我就唔係仙台站分店食，而係去左仙台站前本店仙台站西口一出，行PARCO面前個條天橋就直接會到 我大概排左半個鐘先入到去食個肚都唔爭氣打曬鼓 被安排坐自閉寬闊位枱面有各款調味料，我就完全無用過，牛舌已經好好味 比大家望下menu先牛舌定食分左3個級數，普通 / 極太 / 真中 (厚切牛舌芯)3個級數其實都係厚切，只係位置上越來越接近最嫩牛舌芯位置每個級數又再分幾多塊 我就選擇左5塊極太定食 (￥2970)定食包左：大葱牛尾湯白飯混合大麥沙律 / 山藥泥 (二選一)牛舌我就要左沙律，麻麻地山藥泥善治郎會先送上湯、飯同沙律/山藥泥，牛舌會後上 飯雖然好細碗，但大家唔夠係可以免費添飯如果完全唔識日文，大家可以試下攞住個碗，用最短最簡單講法 “Sumimasen, okawari”我相信完全唔識日文都應該可以應付到有時鋪頭會一大段日文問返你野通常其實係問你要添飯添咩size，你可以用返英文large / medium / small 就得沙律係敗筆，醬汁好鹹同好油大葱牛尾湯湯底好清但都有肉味，面頭唔會過多油脂牛尾肉超淰，係我食過大葱牛尾湯最淰嘅一間大葱量好多，但葱味唔算特別強輪到牛舌正式登場！ 首先講下旁邊辣味增醬漬物，過鹹表面浸油份幾豐富，厚度又好夠我食牛舌係一定要厚切，太薄其實係無左牛舌本身最正嘅爽脆口感而善治郎處理牛舌切法上同坊間唔同，並唔係左右兩端都切到盡，而且盡量保持兩邊飽滿度 「善治郎」極太牛舌外層燒到少少焦，咬落去口感上係先少少脆再爽後嫩牛舌油脂感比較中，咬落去都仲係好多油，但油份好香牛舌中心位置呈現好靚仔粉紅色，所以咬到最中間其實係好嫩，但外層又好爽脆美中不足係有1舊牛舌有筋，另外有1舊焦味比較重但幸好未過熟 Overall黎，我覺得算幾高質對上次黎食過「善治郎」同「伊達」，加埋平時係其他城市食曾經食開「利久」我自己就更加偏好「善治郎」，質素更加穩定不過黎得仙台，緊係要食啲其他城市無嘅牛舌店啦，我之後3餐牛舌都係仙台獨有架 之後我就去左便利店買下乾糧再返左酒店休息
