《塔のへつり (塔之岪)》去完大内宿，我就唔係即刻返去會津若松而係去另一個比較近湯野上温泉嘅景點 - 《塔のへつり (塔之岪)》「塔之岪」係福島縣其中一個睇風景好靚嘅景點，但又唔多人知個度係峽谷中間有條橋，周圍種滿大樹最佳觀賞時間係秋天，周圍都係紅葉反而一到冬天落雪，「塔之岪」就會因為安全問題而突然關閉我去之前其實都有心理準備會關閉，但我都想去睇下，加上列車班次又就到時間要去「塔之岪」就要係湯野上溫泉站搭多個站去「塔のへつり」 落車個陣車長都有同我講個景點而家無開但既然我都黎左，又要等45分鐘後先有車返會津若松，都去望下咩環境啦頂咩...有熊周圍得我一個人，唔好嚇我啊 應該全部人都知塔之岪無開，所以無論落車定步行途中都係得我一個人 平時呢度會有餐廳、手信店開舖，今日都無 正常情況下就係行呢條路慢慢落去就會去到「塔之岪」 果然，今日係封左我後尾Check返原來我去個日正正就係第一日落大雪而導致「塔之岪」關閉，都幾黑仔 但周圍樹景都已經好靚 比幾張取自下鄉町觀光協會影嘅相比大家睇13.12.2022 (我去前一日) 20.10.2022 慢慢行返去車站，依舊得我孤零零一個 但我真係好鍾意呢類型懷舊車站，配合成個景色都好浪漫但又有一種孤寂感覺 同埋講埋，呢個「塔のへつり」係無人車站大家上車個陣記得要攞整理卷上車後我就直接返到會津若松 本身我打算係會津若松食當地比較出名嘅鄉土料理 - 輪箱飯，之後再上仙台都一直諗緊食「田季野輪箱飯」定「料理旅館田事」但返到會津若松個陣仲係落好大雪，而且天氣報告都話東北地區會持續暴風雪一段時間福島縣本身係落雪都比較多，所以我都擔心會好麻煩再三考慮下我決定儘快利用鐵路上左仙台先，免得因為大雪而有咩後續影響 加上我知自己一定會再黎會津若松！實在太多地方我都未去拉麵故鄉喜多方、第一只見川橋等，好似大内宿同鶴城我都好有信心我一定會再去多次由會津若松上仙台可以選擇搭鐵路 / 高速巴士，時間都差唔多JR Pass人士就專心搭鐵啦係郡山等轉車途中買左泡芙食，雖然香港都有，但日本個吉士醬更滑
