14.2.2023Day 2 (續)日本三大茅草屋之一 《大內宿》交通方法如果係由東京都出發去大內宿，有4種方法，同去會津若松其實一樣1) JR新幹線去郡山 → JR磐越西線去會津若松 → 會津電鐵去湯野上溫泉駅車程大概需時3 - 5小時目標地點只為大內宿，建議08:54新幹線由上野開出，無縫銜接只需要3小時10分鐘就可以到達湯野上溫泉駅希望到會津若松城行個圈，建議06:46新幹線由上野開出，會有100分鐘係會津若松自由時間適合手持東北JR Pass / 從東北地區出發人士2) 新宿JR特急列車去日光 / 鬼怒川 → 轉上去會津田島駅 → 會津電鐵去湯野上溫泉駅完全唔建議，時間夾唔到，車程接近6小時但最早都要13:30先到湯野上溫泉駅適合手持JR廣域Pass人士3) 淺草乘搭東武鐵路特急列車 → 會津田島駅 / 鬼怒川溫泉再轉上去會津田島駅 → 會津電鐵去湯野上溫泉駅建議乘搭06:30班次，直通會津田島駅再接駁會津電鐵，車程需時3小時41分，否則就有排你搭適合未有手持JR Pass人士超級推薦買YUTTARI會津 東武FREE PASS，只需要￥6920就包淺草普通列車來回下今市 + 下今市、湯野上溫泉、西若松之間任搭，如果淺草來回下今市你要搭特急就要另外買特急卷，單程￥2160 (https://www.tobu.co.jp/tcn/ticket/aizu.html)4) 新宿高速巴士去會津若松約4小時適合即日來回只玩大內宿 或 會在會津若松住宿人士如果你地係由仙台、南東北地區出發1) JR新幹線去郡山 → JR磐越西線去會津若松 → 會津電鐵去湯野上溫泉駅最快可以2小時39分鐘就去到湯野上溫泉駅目標地點只為大內宿，建議09:25新幹線由仙台開出2) 仙台 / 福島 / 郡山 高速巴士去會津若松價錢平 + 時間唔算耐，最遠仙台去會津若松都只係￥3100 + 2個半鐘班次合理，尤其福島/郡山來回會津若松最多，無需夾硬等JR (https://www.aizubus.com/highway/ )不過無論上述邊種方法，都要係「湯野上溫泉」再轉巴士上「大內宿」大家見到上面交通方法會搭會津電鐵同大內宿巴士，呢兩樣JR Pass都係唔包所以我行完鶴城返到會津若松駅，我第一時間係買個叫「大內宿共通割引きっぷ」嘅Pass (￥2200) 「大內宿共通割引きっぷ」包左(1) 4種組合嘅會津電鐵 & (2) 大內宿巴士來回西若松 → 湯野上温泉 → 會津田島 (單程)會津田島 → 湯野上温泉 → 西若松 (單程)西若松 - 湯野上温泉 (來回)會津田島 - 湯野上温泉 (來回)係西若松駅、會津田島駅、會津若松駅觀光案內所等地方都可以買到甚至可以車廂內直接向車長購買詳情可以睇下面「大內宿共通割引きっぷ」官網http://www.aizutetsudo.jp/ticket/%E7%8C%BF%E9%81%8A%E5%8F%B7/鐵路 + 巴士timetable大家都可以係上面條link揾到，基本上鐵路同巴士都可以接駁到我就係會津若松駅裏面觀光案內所買，好方便 我搭呢班得1卡車 好cute cute 湯野上温泉駅湯野上温泉駅個設計都幾靚，呈現茅草屋特色 明明好細，但站內都仍然有土產埋 因為列車同巴士時間係銜接一出站左手邊就會見到搭上「大內宿」嘅巴士 又有驚喜，開始落雪 「大內宿」位置比較高，所以巴士其實都一路揸上山到達之後已經開始見到雪花紛飛 大家要好好記住呢個畫面，因為只此一次之後就正式展開我極度狼狽之行 「大內宿」除左係三大茅草屋更加係日本第3個被指定為「國家重要傳統建築物保存區」嘅宿場町茅草屋保存得非常完整吸引好多人冬天黎欣賞美景------------------------------------------------------------------大內宿美食名物《三澤屋》黎到大內宿食野，最出名一定係「大葱蕎麥麵」9成餐廳都有提供...其實個度無乜餐廳講到當地大葱蕎麥麵，就不得不數三澤屋呢間專食大葱蕎麥麵嘅佼佼者 「三澤屋」座位唔多，亦都同平時日本餐廳一樣唔會搭枱所以等候時間都比較長建議大家可以先去排隊攞籌，天氣凍就可以坐係暖爐邊取暖 我12點半到，大概等左半個鐘就入得但我有朋友11月中去係等左個幾鐘 比大家望下menu先基本上全部人都係揀圖片有條大葱嘅「高遠蕎麥」 對腳可以塞入去電暖桌下暖一暖，好爽啊 碗「高遠蕎麥」麵到左只見一條大葱係入面，湯底係濃郁木魚湯底，上面鋪滿木魚碎同冰無錯，碗蕎麥麵係凍食的 至於點樣食呢碗麵呢雖然枱面有提供筷子，但既然比得你一條大葱，呢條大葱就係你進食嘅餐具！Follow me！ 味道方面，蕎麥麵幾彈牙湯底都好濃，唔會淡而無味大葱你可以一路食麵一路咬葱，大葱辣味同攻鼻感都幾強不過話大葱辣味同蕎麥麵係咪真係絕配，我又覺得兩者並唔係相輔相成而且進食方式真心唔方便囉，好難撩麵總括而言我會形容係有特色食物，好適合打卡用反正大家黎到大內宿都無咩選擇，不妨一試另外其實仲有一壺紅色壺裝住嘅煮麵水有人話煮麵水會盛載住好多蕎麥麵烹煮過程中釋放嘅蕎麥營養，所以日本人都會飲埋我飲左少少，好淡，但飲唔出啲乜另外我仲叫左條「岩魚の甘辛」表皮炸到好酥脆，醬汁係少少甜甜辣辣 魚肉我略嫌老左少少 但青椒不得了，係我食過數一數二甜嘅青椒，好好味 烤蒜頭都係，蒜味好香，但又好軟綿 ----------------------------------------------------------雪景下的《大內宿》由等位到食野，我大概用左1個鐘多少少行返出黎已經地下開始有好薄一層雪，屋頂都開始積雪 其實呢個程度少少雪我覺得幾靚架茅草屋一整行排開，整齊有序，各有特色 又有賣蕎麥麵餐廳啦 呢度有個高倉神社大鳥居，沿住條路一路行就可以去到一個比較隱蔽神社我就plan左睇完成個大內宿就會過去高倉神社 繼續一路向上行， 行到盡頭會有條樓梯行上去記得一定要上10個旅客有10個都一定會行上上面向下俯瞰成個「大內宿」 行到上黎已經白朦朦一遍對第一次真正睇雪景嘅我黎講真係覺得好靚好震撼 但今日落好大雪點，能見度好低，睇唔到好遠但近近地都睇到雪+茅草屋！ 如果前面無曬啲樹會好啲 其實我都係企左一陣，周圍已經變曬白色雪係越落越大，大到我完全抹唔切相機，所以跟住落黎好多相都會見到有水滴...Sorry影同抹嘅速度跟唔上雪落啊有啲相我都係用手機影點擊圖片放大 所以先叫大家記住一開始未有積雪場景，跟住完全唔會再出現啦 有個「大內宿」展示館 搞唔掂，風吹到fu fu聲，啲雪又係打落我塊面度我無戴手套，凍到我手指無曬feel但又郁唔到...比大家望下雪吹到咩情況 好彩有間咖啡店肯收留我，望住周圍落+吹到好大雪原本打算去高倉神社計劃都放棄左專心等雪細啲就可以先再移動 正常少少雪或者大雪過後嘅「大內宿」係好靚架每年都吸引好多人黎影相但真係無辦法，撞到正日本超强寒流到，仲要我去個幾日東北地區積雪量仲高過札幌以南北海道「大內宿」真係好值得黎，景色好靚又富有日本傳統建築特色如果有積雪但唔當日唔落大雪，就真係完美我都正積極打算下年同樣時間再戰！ 同埋每年2月中上旬，「大內宿」都會有雪祭！如果就到就真係唔好放過啊今年雪祭資料: https://drive.google.com/file/d/1s732cH7AAZVClH9o8jAKPdmGnwyFS_Ha/view一路等細雪少少，等等下等到差唔多夠鐘搭巴士 巴士站... 返到湯野上温泉駅，周圍都一樣白曬同我中午到步個陣差天共地白色樹枝好靚啊！！！！ 路軌都鋪滿雪，成個景象都好完美
