14.2.2023Day 2《前往會津若松》天都未光我就已經起身準備出發救命,辛苦過返工明明以前早出晚歸都好輕鬆,真係唔認老都唔得今日基本上個重點就係為於會津若松嘅日本三大茅草屋之一 「大内宿」(其餘二大就係為人熟悉嘅白川鄉「合掌村」同京都「美山町」)不過由於交通未必太便利同規模唔算大,所以「大内宿」名氣上確實不如其餘二大交通方法:如果係搭鐵路出發去會津若松,有3種方法1) JR新幹線去郡山 → JR磐越西線去會津若松駅車程大概需時3小時適合手持東北JR Pass / 從東北地區出發人士2)新宿JR特急列車去日光 / 鬼怒川 → 轉上去會津若松駅完全唔建議,時間夾唔到,車程6小時3) 淺草乘搭東武鐵路特急列車 → 會津田島駅 / 鬼怒川溫泉再轉上去會津若松駅建議乘搭06:30班次,直通會津田島駅再接駁會津電鐵,車程需時4小時15分,否則就有排你搭適合未有手持JR Pass人士超級推薦買YUTTARI會津 東武FREE PASS,只需要¥6920就包淺草普通列車來回下今市 + 下今市、西若松之間任搭,如果淺草來回下今市你要搭特急就要另外買特急卷,單程¥2160 (https://www.tobu.co.jp/tcn/ticket/aizu.html)因為用JR Pass,我就選擇第1種方法並且係搭06:54新幹線,希望可以去會津若松城行個圈啦日本便利店啲三文治真係求其一款都好好味 搭磐越西線途中見到雪啊!!!!!我咁大個仔其實都未真正見過落雪,係有1-2次見過有幾粒雪毛仔咋超興奮,我出發前兩日睇天氣報告話偶有天晴但少少雪,我已經期待左好耐 不過反而到左會津若松就無雪,邊左不停落雨 到左會津若松第一件事係先儲存行李大家放心,超多唔同size嘅coin locker用鎖匙開會比自動化入密碼/嘟卡平¥100 行去會津若松城都好遠下,加上又落雨就搭車去最方便《會津若松市觀光巴士》會津若松市有架觀光巴士,專門兜曬市内景點同鄰近東山溫泉區單程固定¥210但如果買1日pass 「まちなか周遊バス1日フリー乗車券」 就只需¥600Pass資料、售賣點同巴士時間表都可以click下面條Link細睇https://www.aizubus.com/rosen/machinaka-shuyu不過最方便緊係會津若松駅一行出黎嘅駅前案内所啦買完就直接可以隔離4號駅上車 不過我只需要來回會津若松城同車站,所以單程比錢就算如果大家同我一樣都會去會津若松城,就記得係「鶴ヶ城入口」 落車一落車過對面馬路就會見到個牌指住條路 今次旅程我真係帶漏同睇漏好多野,搞到我個Trip其實都幾狼狽其中一樣我漏帶就係手套天氣超凍,我手指完全係僵硬化 《會津若松城 - 鶴城》「會津若松城」又名「鶴城」,係1384年建成會津若松城擁有白色外牆就好似一隻降落地面嘅白鶴,亦被人認為係化作日本武士精神嘅象徵,所以稱之為「鶴城」甚至曾經有唔少人認為鶴城係東日本第一名城係「鶴城」隔離嘅稻荷神社 要上天守閣就當然要擺低過路費,盛為¥410上到去就可以飽覽會津若松市景色 正當我準備比錢之際,突然落好大雨...著住對普通NB波鞋同完全唔防水外套嘅我係即刻無曬心情入天守閣本身目的都只係睇景,而家落大雨都無得睇...避左幾個字雨都無停嘅跡象但時間就開始倒數,得返半個鐘多少少就要返到會津若松駅最後我係放棄左上天守閣,然後好狼狽急步走返去巴士駅