相隔3年半 我終於都再出發去旅行 無諗過一個疫情，居然將一切看似平常不過嘅生活切斷曬直至前排政府宣佈0+3，我都即刻忍唔住買機票出發去我最愛國家 - 日本！成3年半無去過日本，一時之間居然頭都大埋唔知去邊好諗黎諗去，就去一個我曾經好短暫逗留過嘅「仙台」啦！幾年前曾經係仙台留過2日，但當時天氣好差，基本上咩都無做過所以一直都想再去，瘋狂同牛牛打茄輪先同大家好初步介紹下「仙台」啦仙台係位於日本東北地區，係個邊最繁華城市 (大概同神戶/福岡差唔多)最出名一定係呢兩樣野 - 牛舌 同 伊達政宗亦都因為近海，海鮮都好優質利申，我就食左4餐非常高質嘅牛舌超想推介比大家我係牛舌狂...無辦法...太愛牛舌啦今次因為玩得5日5夜，扣埋頭頭尾尾就得4日半左右無辦法，前排轉左新工無乜假所以我主力都係留係仙台市區同近郊 + 1日去大内宿13.12.2023 - 18.12.2023Day 1: 夜晚落機 (住上野)Day 2: 會津若松 + 大内宿Day 3: 鹽釜水產市場 + 馬の背 + 日本三景之一 - 松島Day 4: 宮城狐狸村 + 商店街 Day 5: 大崎八幡宮 + 仙台朝市 + Outlet & 市内 ShoppingDay 6: 瑞鳳殿 + 仙台城跡 + 返回東京 夜晚上機事不宜遲，即刻開始----------------------------------------------------------------------13.12.2023 Day 1《重臨日本》呢日心情係超級緊張 終於可以再次去到日本旅行，對日本有種陌生感覺但又好期待，唔知同我過去經常去嘅日本有無變呢我搭晏晝機，上晝仲要返公司做野一放飯就9秒9衝去機鐵搭鐵入機場 咁耐無出現過係機場，親眼見到機場冷清場面都真係好無奈想象唔到之前1-2年更加恐怖嘅畫面 今次我搭國泰...仲要係我第一次搭國泰去日本全靠就快到期Asia Miles窮JJ平時搭UO/Peach/HX呢啲咋入閘後先去Lounge醫下肚先未食lunch啊大佬我先去Gate 1嗰個Lounge唔知有無記錯，好似食選擇少左好多 (雖然以前都唔多) 食唔夠飽打算去Gate 35嗰個，聽聞多熟食選擇點知原來唔開所以就去左Gate 60，但食物選擇都同Gate 1一樣唯一分別係有個靚景，可以望下周圍同飛機 正式起飛啦3年半啦！終於坐上飛機離開香港 飯氣攻心 / 闔家辣都有得睇 死啦...真係太耐無去旅行我連雲都覺得好好睇 飛機餐空姐介紹話豬軟骨烏冬好食頂，好難食！！！真係色字頭上一把刀 睇左一陣戲就見到日本境内其實出發前我係好緊張太耐無去過旅行，就好似去返細個第一次自己去旅行咁行出機艙就已經有好多工作人員指示手續其實都快，同以前差唔多 因為香港係無直航去仙台，所以我先係東京羽田落機，第二日先搭新幹線上仙台係返酒店途中我先去攞左已經係網上買好嘅《JR 東北地區Pass》 (￥20000)玩得東北地區而你又唔識揸車就一定要買JR Pass，抵到爛，平時單程東京上仙台都要成萬Yen-----------------------------------------------------《東日本JR Pass新購買方法》疫情前，如果要買JR Pass就一定要經網上訂購，再乖乖地係營業時間内去JR綠色counter排隊換實體飛但呢兩年JR Pass已經脫胎換骨，可以係特定指定席售票機領取，甚至即場買啦！真係好方便我呢啲好中意夜晚落機又晨早出發人士，唔洗再特登遷就人地營業時間搭車個陣都唔再需要行特別通道show個pass比職員睇，而係直接好似平時用單程飛就得不過提提大家係Klook / Kkday買JR東日本Pass就暫時無得係售票機攞，只可以係counter排隊同係網上預約定制定席 (係Klook / Kkday買JR西日本Pass反而可以係售票機攞)我自己就上JR east個網買，再順便揀埋指定席大家要認住唔係所有指定席售票機都可以買 / 攞Pass要係部指定席售票機有右邊紅色Logo寫住”JR-EAST RAIL PASS”先得，通常車駅規模比較大先有可以上下面個網睇下有咩駅可以做到，記得要係有“護照讀取器”先可以因為部機係要Scan你本Passporthttps://www.jreast.co.jp/tc/ticketwindow/?selectPass=eastT程序唔算麻煩如果你係好似我咁上網買定當地換：預先上網(https://www.eki-net.com/zh-CHT/jreast-train-reservation/Top/Index?_ga=2.266579598.1445880079.1672207299-662369684.1672207003 )買，可以順便揀埋指定席選擇取票日期同地點 (取票地點揀左A地，其實最後都可以係BCDFG地取票)有個QR code比你抵達當地揾特定指定席售票機Click領取車票 (我自己選擇中文版)Scan QR codeScan Passport取票完成點擊圖片放大 我呢晚係住上野，方便我第朝起身就可以去搭新幹綫求其Book左晚3百蚊就算見時間都好夜，落去便利店買隻蛋補充下蛋白質就夠
