事前準備我今次去嘅地方係秘魯同玻利維亞去呢d比較遙遠地方好多時事前都要準備少少野1. 黃熱病南美衛生程同疾病嚴重情況都唔惹少好多時食物衛生同傳染病都係非常令人憂心,尤以黃熱病、登革熱同腸道傳染病最爲肆虐所以大家出發前必須要小心我主要講講黃熱病啦佢d資料我就唔詳細講太多啦,總之就係透過帶有黃熱病病毒嘅蚊釘所引起(想知詳細醫學資料就自己上網查啦)係非洲、拉丁美洲熱帶地區(e.g.亞馬遜森林)都非常流行玻利維亞政府規定,所有入境者必須已注射黃熱病疫苗先可以入境 (過關完全無Check)呢個黃熱病疫苗係香港只有衛生署轄下嘅兩間旅遊健康中心可以接種必須事前最少半個月提前預約預約電話同地址大家可以Click下面條linkhttps://www.travelhealth.gov.hk/tc_chi/faqs/yell_fever.html我建議大家最好一book好機票即刻就打電話Book接種黃熱病姑娘會安排時間,等你出發前半至一個月左右前往中心接種不過個電話長期打唔通!!!!電話錄音會講低Fax no.,如果你有fax機就fax資料去,姑娘好快會打比你去到診所要先填好個人資料,而且要準備好你一個簡單行程表,大概係講講會去邊個城市/景點類似我個行程表再刪除d remarks同住宿就得另外就記得帶錢啦,貴到飛起 如果你只需要打黃熱針,都要比HKD515因爲焗住一定要收你診症費HKD315,而黃熱病疫苗同證明書就要HKD200而且個所謂診症其實係好無聊個醫生會望下你個行程,然後就講下當地有咩常見疾病再講下我必須要打咩針、建議要打咩針同買咩藥就完黃熱病疫苗係一定要打,因爲唔打就入唔到玻利維亞境(都係個句,當地入境無check)醫生見完你就會交比姑娘幫你打針同做briefing交代旅行要帶定咩藥物、要注意咩,同比一叠單張我睇 當中强調一定要買含有DEET 15%或以上防蚊藥物係比較大型超市、個人護理店等都會見到有,大概5-60蚊都已經有交易我自己係W字頭店買左支3M防蚊膏 另外Lima機場、Cuzco周街都有DEET 15%+嘅蚊怕水買都只係12-15 Sol (HKD30)一支細所以大家都可以唔洗係香港買,我其實搽左幾日就無再搽 另外中心個度都有travel kit賣,你地自己可以衡量需唔需要HKD100有曬防蚊膏、消毒藥水、藥丸等 另外打左黃熱病疫苗,根據姑娘口講大概有3-4成人會幾日後出現頭痛、低燒等症狀而我係有頭痛左兩日打完針會有張針卡(證書),上面應該會印住你個名有一欄係要填護照號碼,記得唔洗填,換新passport個陣可以再用因爲張卡係永久使用,但一旦有塗鴉就會作廢 2. 衛生情況當地衛生情況欠佳,好容易腸道受感染,醫生就建議我打傷寒同甲型肝炎不過自問都非白鴿肚所以就無打而且我自己都有周街食野,腸胃都無乜事所以大家衡量下打唔打而事實上尤其以玻利維亞真係周圍都塵土飛揚、烏烟瘴氣大家食街頭野個陣特別要小心我旅途中食左2餐係真街頭、毫無衛生可言,諗起都好彩無事如果你係比較保障型,飲食會去d企理鋪頭食相對地應該都非常安全3. 高山症去秘魯同玻利維亞係好容易有高山症因爲秘、玻兩國唔少主要景點都係海拔3千米以上Cusco 約3400米 ; Puno係3827米 ; 玻利維亞首都La Paz係3640米天空之鏡嘅城市Uyuni係3656米 ; 位於Arequipa著名峽谷Colca Canyon最高點係4900米Rainbow Mountain彩虹山更加係5200米,拍得住珠穆朗瑪峰大本營尤其可見,一定要做好預防高山症一切措施預防高山症藥物分爲中藥同西藥中藥係紅景天,北京XX堂有得賣,不過貴到飛起而且我有朋友當年去西藏食紅景天係完全無效西藥可以係打針個中心順便買埋個藥叫Acetazolamide,一包9粒,每包$45上高海拔地方前一日開始食就得,一日早晚各1粒,會利尿,所以要多飲水有2-3成人嘅身體會出現麻痹感覺,大部分都係普通面頰、手指痹痹地 我第一次去打針個陣因爲仲未對抗高山症藥物做任何research,所以無買仲比個望上去係有一定資歷嘅醫生串我仲有一個月出發都未search好我係後來臨出發前先決定買西藥打返電話過去中心,買藥都要預約原來話買呢個藥又要見一見醫生先買得,個刻心諗又被人水左3舊水好在最後無收呢個診症費今次呢個醫生就好人好多,6隻字形容:高大靚仔健談居然同我傾計傾左三個字,而且比左好多建議 大致上要對呢三樣野多加準備,其他野就有錢就乜都解決到啦