函太郎 函太郎係日本非常有名氣、由北海道起家嘅迴轉壽司店分店主要集中係東北、北海道地區出名之處在於用料新鮮、質素高但價錢好合理大阪好好彩都有一間,係關西唯一一間就係位於梅田大型商場Grand Front Osaka南館7樓 其實上次11月個trip我都想去食架不過經過見頑固居然唔洗排,所以即刻入左去而今次我就係夜晚去食個日黃昏去完梅田藍天大廈之後,大概夜晚6點半左右就去到函太郎已經有批人排緊隊,大概20-25人左右應該都唔會等太耐 但一場黎到當然都照排啦係日本食迴轉壽司,當地人普遍都係快快食完就走唔會好似我地香港人食10碟壽司都坐兩個鐘而我推測都係正確,大概15-20分鐘就已經入得日本大城市嘅大部分迴轉壽司都會有部tablet係面前比顧客落單用呢個設計真係好方便我地呢d去到日本變海倫海勒嘅人 函太郎壽司師傅好多幾乎每一個師傅只係serve 10-12個顧客而且對到眼個陣,都會好自然對住你笑 順帶一提,呢度每碟壽司個價位相對比起頑固壽司高少少,大概10-20%有d壽司就相約,而有個別幾碟就係價錢上有明顯差距比多次大家望下個電子熒幕 見唔見到左上角有一個位寫住"北海道直送品"呢無錯啦,既然係北海道起家,店裏面當然要有北海道直送嘅魚生坐鎮啦!首先為大家介紹來自北海道嘅三文魚籽軍艦(525Yen)(呢度有兩款三文魚籽軍艦,我個款係寫明北海道,貴d架)三文魚籽色澤紅潤,粒粒都漲卜卜開頭帶有少少鹹味,但一旦咀嚼就會食到個股甜味,0腥味 下一碟就都係同樣來自北海道,深受大家喜愛嘅海膽軍艦(625Yen)由於只得一件,所以我讓左比媽媽食,等媽媽感受下咩係正常嘅海膽不過我自己都係上面頭左一塊仔食好甜,完全無腥味,不過就少左dd 繼續繼續!又係北海道啦,今次係北海道帶子壽司(430Yen)始終係迴轉壽司店,處理魚生手法點都唔夠傳統名牌壽司店黎超新鮮帶子爽脆口感已經稍稍欠奉但放心,甜味仍然非常足!而且仍然都係彈牙!可能燈光問題大家睇唔到。現場嘅帶子壽司仍然係粉嫩有光澤,而且紋理清晰 去日本壽司店必食中拖羅!(625Yen)中拖羅處理得好好,油分適中,魚味仲係相當濃郁,而且無筋無論味道定係口感都係好好我好鍾意食中拖羅,因爲可以保持咬口同有魚味之餘,又有一定油脂滿足到自己欲望 蔥花吞拿魚腩蓉小卷(308Yen)同普通吞拿魚蓉係有分別,呢度係魚腩肉,所以相對油質更重更香係個外形有少少似...... 赤身壽司(525Yen)係迴轉壽司店食一碟赤身壽司要525Yen其實都有d貴,但質素真係唔差雖然油脂少,但魚味濃加上赤身本身肌苷酸都比較多,所以會自帶好輕微酸味,所以蘸下豉油就最適合不過 炸蝦卷(360Yen)炸蝦卷係我以前每次去香港元氣都必定食嘅野而函太郎製作方式有少少分別面頭會撒上少少炸碎,令口感更豐富裏面就有照燒汁同沙律醬,鹹、甜、酸都聚集一齊,好夠味!而且蝦仲係暖,表皮仲有少少脆!超幸福 炎燒三文魚壽司 (285Yen)外層扎實,但下面魚肉嫩滑上面鋪上炸洋蔥絲,反而帶到一種極輕微辣味,而且令口感同時享受軟淋同香脆 玉子蛋壽司(135Yen)甜蛋如果唔甜,我真係會講曬粗口但好彩呢度都好夠甜 大概去到8點個陣,師傅突然大叫原來係現宰三文魚啊!師傅會捧住條肥美三文魚繞場一周,比大家望下然後就會即刻劏,即刻整成壽司比顧客雖然我無攞,但應該係625Yen 我媽媽夜晚係非常細食,所以食左7-8件就飽我除左以上個d,其實仲encore左次中拖羅同帶子最後兩人埋單係5千幾Yen,而且你都見到我叫左唔少625Yen如果係成年男子,我估計人均消費應該係大概係3500Yen左右 同頑固壽司相比,函太郎係質素方面明顯稍稍優勝而係選擇方面,兩者數量上都差唔多而價錢上,亦都係同質素係成正比,都係明顯貴少少兩者大家可以自己衡量,但我老實講兩間我都覺得係出色嘅迴轉壽司店絕對比個d甚麽大起水產好好多