寶筐院相比起其他院、寺,寳筐院名氣其實唔算大本身交通唔夠方便,面積又唔係話大但我揀呢度係因爲中意人流少,而且院細即係相對地紅葉比較集中係渡月橋行大概15分鐘就會到寳筐院 入場門票係500Yen呢個size嘅賞楓地點其實都唔係平 估唔到都係9點過d,個院已經有唔少人而且大部分人都係集中係一開首個位不斷”chap chap chap”我當然唔執輸,係呢個最靚位瘋狂”chap chap chap”點擊圖片放大 呢條紅葉小徑真係好有攝人嘅魅力係柔和嘅草綠色同黃色映襯下,紅色顯得特別火紅 雖然太陽匿埋左,但仍然無阻顔色嘅展示有d係粉紅色,倍添生氣 而呢個院入面仲有個庭,比大家坐入去休息都好寫意架 單身大叔又有,成雙成對都一樣坐係度一齊望下四周紅葉 沿住條路一路行,其實周圍都係打卡位單單一條大直路其實都可以有唔同角度睇你企唔同位置,感受到嘅都唔一樣點擊圖片放大 +3 就算係其他小路,四周環境一樣係好舒適有d位置紅葉唔多,但你望過去都係好令人身心舒暢點擊圖片放大 我係呢度行左幾個圈先捨得走點擊圖片放大 +2 臨走前見到呢度有賣繪葉書,張張都正啊! 其實買完小火車飛之後,我除左去寳筐院之外都有周圍行 去隔離Lawson買少少野食做早餐然後慢慢行去渡月橋個度坐低一路欣賞環境,一路醫我個大肚腩9點鐘嘅渡月橋真係無乜人 係lawson見到呢個新系列飯糰係我上半年去日本個陣未見過嘅而且價錢明顯比平時普通飯糰貴成截,材料都好似正d,連神戶牛都有!? 我買左個豚角煮飯糰 入面有一塊醬煮豚肉,都幾厚而且同平時飯糰最大分別係醬汁好多,幾乎每一啖都可以有少少汁肉質都算鯰,味道係唔錯嘅,但如果平多少少就好d啦 題外話其實後來我離開大阪個陣係機場買左幾個返香港其中買左個係神戶牛飯糰,接近300Yen…… 都係貫徹醬汁好多,唔會過咸,但肉就相對好肥對於係早餐進食嘅我就真係重口味左少少除左飯糰之外,另外我再買左舊關東煮嘅蘿蔔其實最主要我係想飲個d湯,因爲我真係凍到震 趁無乜人就周圍行下京都無論樓宇高度定墻身顔色都係令人感覺好舒服,唔會有太大壓逼唔描述太多,比圖大家睇下就算 係《寳筐院》出左黎之後,見仲有時閒淨就去左隔離清涼寺其實都係無無聊聊行下咋見都有少少紅葉無人個陣得幾塊紅葉都會覺得靚…… 其實京都好多位就算你唔比錢入場一樣可以見到紅葉好似清涼寺呢d,有部分位置免費都可以睇到紅葉 另外行去龍山寺、寳嚴院條路都一樣好多紅葉唔入場都夠睇架 而且嵐山四周其實都好好多紅葉求其行一條街你都可能會見到靚紅葉 而我就見到我最愛嘅銀杏不過未完全變色,仲係成熟期,連完全體都未到 另外再去左行下竹林,求其影下相點擊圖片放大 呢日着唔夠衫,所以我都不斷搵方法幫自己取暖便利店關東煮就成爲我一大良方呢次就去左Family Mart買關東煮蘿蔔係我一定會要嘅餸,而另外一款我就要左個煎豆腐餅其實味道都係大致相約,無話咩特別好味,因爲我都係要個湯咋!!!但我印象中Lawson好似相對湯底濃味少少 行返去嵯峨嵐山站途中……我又輸左比便利店買左串香腸食,好夠咸香,而且黑椒味濃! 大概12點返到去嵐山,又去行下渡月橋頂……人多到離曬譜嚇到我呢個小毒毒眼珠都爭d跌出黎 多人到橋要實施人潮管制 坐係度野餐真係好寫意 正值中午,係阪急嵐山站都擺曬攤檔賣下野呢段日子最賺錢啊嘛 其實阪急嵐山站月台都係一個紅葉舞台成個月台都紅卜卜