美食推介つじ半行行下就已經到食飯時間呢一晚要為大家推介美食!我挑選左當地非常有名氣嘅魚生丼飯店 -- つじ半つじ半係東京有兩間分店一個係東京站八重口嘅日本橋本店,另一個係飯田橋站嘅神楽坂店我就選擇左相對評分較高嘅日本橋本店 夜晚6點去到已經大排長龍,前面起碼25人而且絕大部分都係日本人,反而非日本遊客好少影下個Menu比大家望下先 呢度中午得“梅”、“竹”、“松”三個set而夜晚就多左個“特上”“梅”(1080円):吞拿魚、中拖羅碎、墨魚、少少三文魚籽、元貝絲同青瓜“竹”(1480円):“梅”+ 少少松葉蟹肉 + 多d三文魚籽“松”(1980円):“竹”+ 多d松葉蟹肉 + 海膽!!!“特上”(3500円):“竹”+ 一堆蟹肉 + 一堆海膽 + 一堆三文魚籽簡單黎講“特上”就係超豪華魚生丼我自己就要左“松”,始終“特上”真係太貴入到去,烹調製作全由老師傅主理 首先呈上鯛魚刺身,上面淋上胡麻醬本身鯛魚刺身已經好新鮮,肉質厚而嫩再配上甜酸胡麻醬,成個配搭得好好,更加凸顯出魚本身微微海水鹹味 不過有部分人都會講鯛魚刺身留到最後請師傅加湯個陣一次過食然後就到個飯呈上黎,好巨型,非常豪華滿滿魚生加上好多三文魚籽而且師傅將魚生撈埋一齊,令到食個陣可以一次過食到多種魚生 大概魚生堆,原來好戲在後頭呢堆金屋居然藏住我最愛嘅嬌……海膽!海膽超鮮甜,毫無腥味,齋食海膽已經值回票價 我自己中意少少飯配少少魚生係上面覺得咁樣食先有個層次係度,始終飯都係其中一個主角如果將魚生同飯再撈混,飯就變得可有可無之餘,亦唔會咬到白飯米香味而且我落左少少豉油同好少Wasabi,免得搶走左本身魚生鮮甜味 而且呢度係會最後幫你加湯整成茶泡飯所以你可以最後留少少飯,然後請老師傅幫你加湯甚至你大食嘅,仲可以叫老師傅幫你添飯可能老師傅見我係個肥仔仲主動笑住問我添唔添飯 ”More rice? Large or medium?”添完飯就幫你淋湯呢個湯先犀利,並非普通高湯,而係用鯛魚熬成嘅湯真係 魚好、湯濃、料實在湯濃得黎,充分表達魚湯本身鮮甜味,但同時亦具備煲湯本身應有嘅鹽味配上白飯,完全係天作之合 有人會食淨少少魚生加湯,或者係熱湯上加上一開始嘅鯛魚刺身大家食法各不同,我相信都enjoy嘅但我個人就係食曬所有魚生先加飯因爲高湯溫度並不足以完全灼熟魚生,魚生就會變半熟,尤其厚身嘅鯛魚刺身半熟魚生好容易有腥味,我自己本身就算少少腥味都比較怕所以我都係專心食我個湯飯大家點都要留肚食湯飯!因爲個湯真係好正架つじ半https://goo.gl/maps/h8q4PGvkiNB2