21/5由於平機票,時間相對都未如理想啦我今日班機係6:05pm起飛所以我就早少少入機場,做定一切起飛前準備首先第一件事當然要醫肚啦LCC係無野食架好彩今年申請左張可以入lounge嘅卡,即刻入去食碗魚蛋河先 食飽之後,就去隔離Relay用我另一張來自DBS嘅信用卡換左一本雜誌同一支水等我係飛機上面都可以解悶同有水飲 搞掂一切之後就正式出發啦!客機準時到達羽田機場而且入境手續羽田夜晚一般都好快 抵達橫濱一到左大堂就即刻搭京急線去我呢一晚會住嘅地方 – 橫濱關内 另外仲買左份三文治頂下肚 不過都係我平時食開7仔有個我最愛嘅三文治最正平時同我係遊記有交流嘅仁兄應該知我講邊款,就係山陽我7日裏面食左3次個隻呢一晚都預料到會大概1點先到,而且第二朝要好早起身所以就求其book左間膠囊旅館無錯,我係上年11月個遊記先講完永不住膠囊,結果我又自打嘴巴 但今次呢間Y's Cabin Yokohama Kannai真係好正設施又新,環境又乾淨而且都有個小澡堂,令我可以浸一浸呢一晚完全令我訓得好舒服點擊圖片放大 +2 膠囊内有兩個兩腳插頭位、兩個衣架同電視(雖然無男孩子最愛嘅影片 )另外,膠囊内本身已經有個櫃可以比你擺背囊/22寸内行李箱 就算唔夠擺,走廊都會有架比大家擺放 攤攤下……我就訓著左啦但今次呢間膠囊真係超級舒服人流又唔多,環境有新淨所有野都非常好!!!!超級推介!!!