Hello 相隔4個月,我又同大家見面啦都係指定動作,多謝大家之前一路支持我同我嘅遊記,令到我有動力keep住寫相信大家望下標題都知,我今次去左日本一個都頗爲冷門嘅縣 – 靜岡縣一半係本身都想去,而另一半其實都係出於機緣巧合本身係想去柬埔寨玩返7/8日,但可惜我錯過第一次UO mega-sale,結果無曬平機票最後退而求為其次,一見東京仲有平飛就即刻買而展開我4日靜岡縣休閒之旅+2日東京無聊周圍行之旅講起靜岡縣,或許大家淨係會諗起小丸子、蜜瓜但其實靜岡縣都可以好好玩、好好行 靜岡縣其實完全係位於東海地區主要係由西部濱松/中部靜岡/東部三島、熱海/南部伊豆半島組成夾左係名古屋同橫濱之間,所以無論係東京定名古屋前往靜岡縣都算方便可以利用JR、新幹綫、飛機或者巴士前往都可以整體黎睇都可以叫做二綫中區域,有一定設施但又保留樸素今次我4日靜岡縣之旅就主要圍繞西部濱松 / 中部靜岡 / 東部三島、熱海 呢四個地方組成但事實上我有少少後悔去左熱海,原因就要靠你追落去啦haha成個旅程有喜有悲、有晴有陰、有休閒有焦急由於受制於Pass同本身日數,所以我呢次行程主要聚集係濱松、靜岡、三島同熱海每次去旅行,我都有幾個重點行程是次重點:三島Skywalk大吊橋、三保松原、中田島沙丘另外都食左幾間好值得推薦比大家嘅餐廳所以大家要密切期待啦自問自答 Q&A1. 覺得4日靜岡縣夠唔夠?我覺得係完全唔夠!就算好似我淺嚐靜岡縣,我覺得都最少要5日。早知就唔去熱海啦!2. 點解會有兩日去東京玩?其實其中一日本身打算探朋友,加上有少少正經野做,所以無奈地比左兩日時間去東京逗留3. 點解想去靜岡縣?近年來去日本次數越來越多,踏足左好多地域,甚至最近有個制縣等級我都已經過百,所以我更加想主動發掘多d新奇有趣地方。而且靜岡縣其實都有好多好景點,但未係出名。4. 靜岡縣繁唔繁華?靜岡縣主要經濟區係濱松同靜岡兩個地方,我會評價為二綫中城市,大概同高松差唔多,低過廣島同岡山少少,臨近JR大站都不乏大型購物商場5. 住宿住左d咩啊?今次係濱松住左一晚酒店;三島住兩晚;熱海住左晚溫泉酒店(大破費) ;同埋係東京Airbnb一晚;最後仲訓左幾個鐘機場6. 靜岡縣多唔多遊客?我可以同你講超過9成遊客都係Local,我係靜岡縣未聼過廣東話,超開心!然後去到河口湖就超多廣東話、普通話……行程重要 但用幾多錢都好重要嘅花費表(HKD)交通:300(Pass) + 80(TST) + 320(當地交通) = 700住宿:1502(酒店) + 3.8(Airbnb)機票:1089(無行李)飲食:1400門票:220其他:70購物:900(自己) + 500(幫母親買)必要開支總數 = ~ 5000因爲人爲同天氣問題,令到個行程要突然大幅度改變而且更改後仲超唔順路建議如果大家如果係想參考,就參考初定版本(黑色字)而修訂版,即係我更改後實行嘅行程就會以(紅色字)表示D1: (住橫濱)深夜抵達橫濱D2: (住濱松)三島Skywalk大吊橋 -- 中田島沙丘 -- 弁天島源兵衛川 + 三島Lunch -- 中田島沙丘 -- 弁天島D3: (住三島)靜岡都廳 -- 三保松原 -- 日本平 -- 小丸子博物館靜岡都廳 -- 三保松原 -- 小丸子博物館 -- 御殿場OutletD4: (住三島)忍野八海 -- 新倉富士浅間神社 -- 河口湖 -- (御殿場Outlet)忍野八海 -- 河口湖 -- 三保松原D5: (住熱海)三嶋大社 -- 源兵衛川 -- 熱海海灘 -- 熱海觀光船三嶋大社 -- 三島Skywalk大吊橋 -- 熱海海灘 -- 熱海觀光船D6: (住東京錦糸町)龜有Lunch -- 東京愛Land博覽會 -- 日本橋dinner -- 新宿花園神社D7: 築地市場 -- 新宿花園神社 -- 上野 -- 濱松町貿易中心 -- 新宿shoppingD8: 訓機場