宮島要入宮島,其實有兩間船公司宮島松大氣船/JR船可以選擇大部分人會選擇JR船,原因係JR船航行綫路會刻意轉彎接近嚴島神社大鳥居等大家可以坐係船上面近距離睇到大鳥居 – 最多人打卡之處 小提示,記得要企最上層嘅右手邊 一落船就已經見到好多好可愛嘅鹿仔!呢度d鹿比起奈良嘅溫純好多,唔會無啦啦攻擊人最多係見到人地有野食就尾隨人地不過宮島上面就無鹿餅賣,所以大家都係唔好亂喂食啦點擊圖片放大 +2 嚴島神社我第一時間係衝去嚴島神社參觀原因係我覺得大鳥居一定要潮漲潮退各影一張而且潮漲個陣嚴島神社成個感覺就好似係水上面,真係好特別踏入呢個鳥居就正式進入嚴島神社啦 行入少少其實已經可以見到大鳥居而且係嚴島神社入口前其實已經好近距離見到大鳥居係個度可以見到大鳥居係插左係海中間,真係好壯觀 呢一日我帶左兩包紙巾,因爲鼻水不斷流係食lunch個陣其實已經用完一包,我係人地厠所度偷左十幾格紙巾嚴島神社入場費300円,比完就可以入場 嚴島神社主要顔色呈橙紅色,令到成個神社都好sharp整體修葺都好完整同完善點擊圖片放大 我特別中意呢個位可以將嚴島神社同大鳥居盡收眼簾不過如果天色好d就好啦 行到中間就會有個位比大家對正背住個大鳥居影相好多人都會跟住排隊影相 行完嚴島神社,一出轉右,就會見到一條密林大道 係個度再望返嚴島神社,再配合藍天白雲,成個感覺真係好寫意啊居然仲出太陽,令到成個神社更光芒四射 另外再斜斜地影大鳥居 宮島商店街匆匆忙忙衝去睇潮漲境況,但其實頭先lunch未食飽所以就走左去商店街去掃街啦宮島最出名係就一定係蠔,賣蠔嘅鋪頭你手指腳趾加埋都唔止啊雖然我唔中意食蠔,但都要食返一兩隻跟下風啦呢度商店街真係充滿古色古香,鋪頭好密之餘,條行人路又好寬闊所以係呢度行真係好舒服 其實我想揾生蠔食,不過因爲都成3點,有幾間都寫住售罄連最多人食嘅牡蠣屋係3點都已經唔再接受客人,截曬龍 無辦法啦,唯有食燒生蠔啦我就選擇左全條商店街唔計牡蠣屋最多人買嘅みやじま華屋敷 呢間燒生蠔鋪頭係好出名,好多節目、旅游書都會推介除左因爲價廉物美,仲因爲有幾款燒法,好似芝士燒生蠔 由於係即燒,加上顧客好多所以每人都要等7-8分鐘 而我就買左原味燒生蠔啦 400円 蠔就算燒完都好大隻口感好爽,食落都有甜味,都好新鮮另外汁都好多,充滿天然海水鹹味而且又檸檬汁同七味粉比大家調配食完兩隻......結果又再買多兩隻真係好好食啊 食完燒蠔,我就去食另一樣都係用蠔做食材嘅食物啦就係炸咖喱蠔包 400円基本上講起炸咖喱蠔包,就一定係呢間Big Set 但就並非係商店街入面而係近沙灘 呢個麵包係中間會塞入咖喱同兩隻蠔咖喱就有薯仔粒、紅蘿蔔粒同牛肉粒,蠔就沾滿曬咖喱汁咖喱非常入味不過最令我驚嘆係炸出黎嘅包皮,又香又脆又唔過油膩點擊圖片放大 另外一樣要介紹嘅小食就係炸楓葉饅頭其實楓葉饅頭就係出面麵粉入面擺奶油/紅豆,只不過形狀係楓葉饅頭所以我個人覺得楓葉饅頭係無乜特別但我要介紹係紅葉堂炸嘅楓葉饅頭 我就叫左日文為あんこ嘅紅豆口味 180円炸楓葉饅頭外層脆脆地,而裏面其實都係普通麵粉整成嘅餅入面紅豆反而好奇怪,顔色好似芋頭咁,味道上都唔似芋頭不過唔過甜,味道ok啦,特別就在於個口感姐 經過一間賣蒸包......呢個價錢都唔明點解會有人買 其實本來有Plan到上彌山但因爲lunch等耐左,行商店街又耐左,所以最後取消不過呢度都提提大家要善用Pass去彌山持有JR Pass係可以以1500円搭纜車上山而持有個本Fun Pass Hiroshima更加係1350円掃完街就周圍行下其實周圍風景都好靚 先行上去豐國神社千疊閣,要除鞋入去參拜我因爲呢一日着左對舊而穿窿嘅襪就費事入去啦HAHA 兜個圈就會見到五重塔,一樣都係橙紅色 周圍行行下其實都已經4點幾海水開始潮退,開始陸續有人企落沙灘,慢慢一步一步接近大鳥居我都唔執輸啦,即刻跟住人潮去 開始日落嘅天色配合嚴島神社同陽光普照嘅景象又有另一番感覺 離遠有幾舊石頭,可以踩上去正面影鳥居 由於未潮退曬,所以行緊少少就已經唔可以正面影只可以打側睇同影,但已經好壯觀 另外比條link大家Check定潮漲潮退時間http://www.tides4fishing.com/jp/hiroshima/itsukushima 天色開始慢慢暗淡,大家都越來越接近鳥居但仍然無辦法近距離係大鳥居正面睇,除非你願意整濕對鞋 鳥居真係好堅固,柱身非常粗 由下影上去更加顯得宏偉 唔知呢個角度又有咩好望呢? 其實我真係好想留到完全潮退,可以近距離正面高炒大鳥居但我實在好抱歉,我個日狀態真係好差企左係沙灘一陣,已經尖寒尖凍,鼻水流到唔停我知自己身體個刻真係未必可以支持到再企係露天地方所以我忍痛選擇離開如果我無身體抱恙,打死我都唔會走!所以保護身體真係好緊要啊! 臨走前影多幅 係碼頭邊見到兩隻好sweet嘅鹿仔 上到船,我即刻走上去頂層影相夜晚著燈其實真係好靚 但海風真係好凍,個刻我太虧,即刻走返落去下層室内廣島美食 - 《ばくだん屋》辣沾麵返到廣島站想食埋個晚餐就返去休息本身胃口麻麻地,所以更加需要刺激性食物我就去左新幹綫名店街入面著名辣沾麵店ばくだん屋ばくだん屋係廣島其實都有唔少分店,但我就特意去新幹綫名店街分店原因都係因爲本Fun Pass Hiroshima! 慿Fun Pass Hiroshima就可以以500円叫到價值823円並盛辣沾麵我另外都叫左3舊炸鷄塊 309円 炸雞塊調味ok,外脆内軟不過略嫌裏面肉汁比較少,肉比較扎實便利店個d正少少 一份並盛辣沾麵對於成年男子其實係絕對唔夠但好在我胃口比較細如果無辣,事實上我個晚可能咩都唔食可以自選辣度,1-10級,然後就每5/10再跳一級(圖右下角)我揀左10級,未食過所以對個辣度表毫無概念FYI 我平時譚仔係食中辣完全無問題碗野黎到個陣,沾麵湯望落好紅,好似好辣 一蘸沾麵湯......頂!無辣味,完全唔夠辣啊!不過算啦,好在麵分量少,快快手食完就算麵條係幼麵,我中意太麵多d另外有好多青瓜絲、葱,配冷凍沾麵都好夾,有中華冷麵嘅感覺 我覺得平時譚仔食開小辣或以下、雲貴川叫開BB辣都可以叫10級辣食完我再係附近買左盒感冒藥,就直接搭車返Airbnb休息啦而第三日係我呢個旅程最期待嘅日子,因爲我會一次過去曬兩個最期待景點!