我自己都估唔到只係相隔三個月就再次出遊記同大家見面係呢度就先做指定動作多謝大家對小弟之前4篇遊記(6日東京/6日四國/5日峴港/快閃東京)嘅支持今次旅程其實早係半年前已經落實左,買左廣島入 -- 福岡走並且會係7日内走遍廣島、山口、岡山同福岡,非常Chur至於點解要咁做?因為呢次旅程係sight-oriented, 而唔係city-oriented不過呢個旅程我要先同大家道歉呢個旅程發生左唔少唔如意嘅事情包括小弟到步第一日已經開始病、天氣不似預期等,令到好多相都唔夠好:-(加上同以往唔同,並非係深入玩曬一個地方而係周圍走,所以行程上並不如以往一般流暢此外,因爲今次影左好多相,所以整理相片都用左好多時間,令到遊記係抵港後一段時間都未出到。保守估計呢次遊記會過3萬字啦,希望大家唔好嫌我長氣而呢次旅程有喜有悲,我都會一一同大家分享希望大家唔好嫌我長氣又多字啦先簡單講下我行程:D1 : 廣島市内D2 : 錦帶橋 + 宮島D3 : 元乃隅稲成神社 + 角島大橋D4 : 唐戶市場 + 秋芳洞 & 秋吉台D5 : 倉敷 (因天雨問題更改為)吉備津 + 岡山市内 + 鷲羽山展望台D6 : 松山備中城展望台 + 倉敷 + 福岡D7 : 瘋狂食在福岡旅程主要以廣島、岡山同山口作爲遊覽地方購物則集中係岡山、倉敷同福岡福岡嘅一日一夜就完全係狂食之行,大家可以望到我點樣24小時食足5餐旅行總支出:撇除購物,Total旅程用左大概HKD5500JR pass (經Klook買HKD890)3晚Airbnb+3晚酒店(HKD930)機票+來回20kg行李(HKD890)其他交通(HKD580)門票(HKD60)Wifi蛋(HKD52)飲食(HKD2000)其他開支(HKD100)4/1 向廣島出發(前往廣島 — ガリバー 咖哩飯 — 平和記念公園 — 廣島城 — 本通商店街 — 長田屋廣島燒)前往廣島我乘搭UO396前往廣島機場,客機準時07:40出發 既然準時出發,就當然準時抵達啦廣島機場國際航廈規模都好細,行李輸送帶都係得兩條攞左行李就正式進入日本廣島縣!係出市區之前首先我要係位於機場嘅Information Centre度買黎緊3日係廣島要用到嘅交通Pass基本上一過海關就會見到Information Centre 我要買嘅交通Pass就係叫 Visit Hiroshima Tourist Pass呢個Pass有5種,分別係:2 Days Small Area (1500円)--> 廣島電鐵全線、宮島松大氣船/JR船--> 廣島市6間巴士業者指定範圍,無高速巴士線 3 Days Middle Area (2500円)--> 包廣島電鐵全線、宮島松大氣船/JR船--> 廣島市12間巴士業者指定範圍、有9條高速巴士線(熱門路綫包括:廣島--吳市 / 廣島--竹原 / 廣島機場--三次 / 廣島--岩國)3 Days Wide Area (3500円)--> 包廣島電鐵全線、宮島松大氣船/JR船--> 廣島市12間巴士業者指定範圍、有14條高速巴士線(含有Middle area包括的四條熱門路綫)4 Days Small Area (4500円)--> 包廣島機場利木津巴士來回--> 廣島電鐵全線、宮島松大氣船/JR船--> 廣島市6間巴士業者指定範圍、有2條高速巴士線4 Days Wide Area (6500円)--> 包廣島機場利木津巴士來回--> 廣島電鐵全線、宮島松大氣船/JR船--> 廣島市12間巴士業者指定範圍、有14條高速巴士線(含有Middle area包括的四條熱門路綫)如果你行程主要圍繞廣島縣同岩國市,2/3/5絕對係你好選擇如果好似我咁會配合JR Pass運用,就要自己計數啦無論買邊一款Pass,都會附送一本叫Fun Pass Hiroshima嘅Coupon Book呢本Coupon book犀利啦,好多出名食肆都會做非常誇張嘅特價包括宮島口著名星鰻餐廳Ueno,2000円嘅星鰻飯優惠到1000円 (已於2018年下半年取消) 加上本身廣島電鐵單程其實都要180円,3日來回都要1040都已經貴過Small Area果款Pass所以大家一定唔可以放過呢個Visit Hiroshima Tourist Pass另外,呢個Info. Centre其實都可以買到出廣島等地嘅巴士車飛出廣島市區,盛為1340円。買完就行出去右手邊玻璃門再轉右一直行就會見到巴士站 如果你目的地係廣島車站,你就要去到2號巴士站等車如果目的地同我一樣都係紙屋町/本通,就要去1號巴士站等車啦如果見Info. Centre好多人,有排先買到巴士飛你就可以同樣地行出去右手邊玻璃門再轉右一直行,行到2號巴士站,望下你右手邊就會見到有自動售賣機價錢一樣,買完再番去排隊等上車