前往博多、抵達博多係上新幹綫之前,買左一份三文治做tea呢個三文治真係超級好食!!!我每次去日本都一定買,而且呢個旅程7日裏面我食左4次 經過接近兩小時新幹綫我終於黎到呢個我想去好耐嘅城市有好多人都有疑惑,福岡同博多有咩分別???本身係有好多歷史原因而命名江戶時期,其實係分左兩個都市 福岡 同 博多後來合拼之後,就用左福岡呢個名不過博多呢個名太深入民心,好似拉麵、港等都係用博多呢個名所以好多人都會不覺意地話“我去博多玩”而簡單講福岡係一個市,而博多係福岡市入面嘅一個行政區去到博多站,我第一件事要做就係買Pass要買任何市内Pass大家可以係JR博多站Information centre度買 福岡有幾款當地Pass:Fukuoka Tourist City Pass (市内版) -- 820円(一日内福岡市内除西鐵外所有鐵路 + 巴士)Fukuoka Tourist City Pass (市内+太宰府版本) -- 1340円(一日内福岡市所有鐵路 + 巴士)福岡地下鐵1日卷 -- 620円(一日内福岡市營地下鐵)福岡地下鐵2日卷 -- 720円(兩日内福岡市營地下鐵)由於得一個夜晚同一個日頭我都唔打算去比較遠,所以都係留係市區行動所以就買左福岡地下鐵2日卷 尤其係福岡搭地鐵最少都要200円一程買Pass真係非常划算 不過就呢度個Pass就段日計,唔係好似tokyo subway ticket用24小時作爲單位另外福岡都好流行搭巴士市内更加有100円巴士不過繁忙都市搭路面交通工具遇上塞車係好常見所以我都係主要以地鐵同雙腿行走Hotel Mystays天神南先去Check-in我就住左係位於天神同中州中間,鄰近天神南站嘅連鎖酒店Hotel Mystays我選擇呢間酒店除左因爲平,更加係方便我步行前往大部分景點大堂仲有免費即磨熱咖啡,正! 另外每一層都有微波爐同製冰機,非常貼心 不過走廊唔係密封式設計,而係開放式感覺就有少少奇怪 間房係咁,無乜特別標準日本3星酒店 安頓好之後就出去醫肚啦其實我就唔係好餓,不過我係福岡唯一嘅一晚就安排左去屋台開餐大部分屋台一般6點半開始營業,7點後出名嘅屋台基本上都已經要排隊我真係唔想凍冰冰去排隊,所以就6點3出發行過去福岡屋台主要集中係中州、天神同運河城附近所以要揾屋台都最好去呢幾個地方另外有貼士比大家就係揀d明碼實價嘅鋪頭,始終無標價都係唔夠安心夜晚嘅福岡依舊充滿繁華感,係一個現代化都市同前幾日嘅廣島、岡山同山口真係好唔一樣周圍都商場林立點擊圖片放大 呢一日落雨,所以唔少屋台都無營業我唯有祈求我要去個間有開啦我呢次揀嘅係福岡都幾出名嘅小金ちゃん 福岡美食 -《小金ちゃん》屋台小金ちゃん位於天神站1號出口,一出行前少少轉彎就會見到去到大概6:40pm,入面已經坐滿我就等到下一round......sosad由於天雨關係,所以屋台蓋上一塊透明幕 亦都清楚顯示出價錢牌 到適當時候,店家就會出黎比menu你睇,順便叫你寫定要乜當然都會有英文同中文啦 旅客睇中/英文menu的話,就可以好似我寫數目字係紙上面 講真,去屋台食野唔係平,而且未必飽我都係旨在感受下個氣氛如何,畢竟日本好難有地方見到屋台我大概7點左右就入得入到去坐低,見到師傅完全無停過不斷炮製佳餚比在座各位而且食客身貼身,係比較擠逼 另外如果大家有做d資料搜集可能會發現有部分人會話去屋台潛規則係一定要叫野飲不過照現場情況睇,我見其實好多人都無叫野飲至少我隔離有個靚日本妹都無叫過所以我估多旅客光顧嘅屋台其實唔叫野飲都係絕對無問題始終一杯橙汁都二十蚊港紙我叫左幾乎每個屋台都有嘅明太子玉子燒(No.20, 690円)、小金ちゃん嘅招牌名菜 炒拉麵 (No.25, 730円) 同埋一杯橙汁(280円)店主先爲我呈上炒拉麵炒拉麵都係我第一次食嘅野,通過加醬料係板上炒,非常特別炒麵師傅係一位老伯伯,但仍然熟練地舞動手中兩把鐵鏟一邊炒一邊加醬料 拉麵其實係先出水,然後再擺係鐵板上之後再加高湯同醬料幾乎每一組客人都一定會叫 我個份炒拉麵(No.25, 730円)到啦 雖然動作上確實係炒,但實際上因爲加好多醬同高湯所以我會形容呢個拉麵似燴麵多少少因爲非常濕潤之後,拉麵都係軟曬裏面好多紅蘿蔔絲、椰菜絲同肉粒味道上鹹鹹地,又有少少酸感覺就好似平時章魚燒個隻深啡色醬嘅味道一樣老闆娘會建議你加少少黃色平時蘸燒味鋪燒肉嘅芥末但我個人就覺得加七味粉仲夾,大家不妨試下 店家會預算顧客進食速度而上下一道美食係我就快完成炒拉麵之際,明太子玉子燒(No.20, 690円)就到! 蛋捲燒得非常嫩滑,而且唔會太甜,加上明太子本身帶有鹹味甜鹹相交,反而好夾,無互相搶走對方個味另外可以蘸下沙律醬,增加少少酸味令到味蕾可以感受到嘅味道更加豐富橙汁,無特別haha 現場環境真係好逼,所以我食完都即刻走一出去就可以呼吸到超級凍嘅空氣,WTF 落住雨,但得一晚係福岡都唔好浪費啦,周圍亂行行行下仲行到去博多運河城個頭隔離見到另外一間非常著名屋台 – 笑平屋台呢間d餃子同明太子玉子燒都係非常出名 其實都係周圍無無聊聊行下點擊圖片放大 +2 行行下都9點,就去買宵夜又係Aeon Mall......不過規模細好多啦 順便買個可麗餅食,全場所有款式都係300円師奶仔嘅我當然係要比較貴嘅口味啦! 返到酒店,叮熱d熟食另外去到福岡就一定要食福岡出產嘅甜王士多啤梨啦