老港孩Charles唔係成日會北上嘅人但通常北上都係去搵好西食 或者 陪朋友去食野前幾日因爲朋友想去華強北整電話所以就一齊上左深圳,順便食野中午個陣去左東門掃街,但呢個唔係重點重點係我夜晚個餐今次呢個blog特意為大家介紹《外婆家》呢間餐廳《外婆家》其實係杭州菜館,係全國各地都有一定數量分店,係深圳就已經有四、五間分店等我介紹其中一兩間比較方便嘅分店啦第一間係位於蔡屋圍KKMall頂層,即係大劇院站B出口第二間係福田區黃庭廣場B1,會展中心站C出口我呢次去嘅就係比較近東門嘅KKMall分店因爲做過功課,知道6點後有機會要排隊,所以5點45分左右就入座而且無限你時,呢樣好正 大家要記得入座前要去問門口接待姐姐攞飛先,然後就會安排入座 整個格調其實都好現代化,而且唔似一般中菜館有卡位、燈光暗沉、格局寬敞比人一種係中西合璧嘅感覺,絕對唔會令年輕人卻步而事實上都真係有一定數量嘅年輕人黎呢度食 更加有英文名 "Grandma's Home Restaurant",都真係好前衛 加上呢度有電腦比等候人士、食客使用,非常貼心而且仲要係Mac機 每位都會有碗、碟同其他餐具摸上去都無塵,證明清潔功夫都做得好足而且餐具有一定重量,唔係一般cheap cheap膠餐具另外茶水方面,第一次會斟比你但之後就以自助形式,即係自己黎 講左好多野,輪到大家其中一樣最關心 -- 餐牌餐牌即係表現食物種類呢方面《外婆家》絕對唔會令你擔心,因爲菜色選擇非常之多而且唔係單純杭州菜,好似川菜、廣東菜等都有基本涉獵滿足到大衆口味 不過抱歉啦,小弟比較窮,手機影相質素比較低但大家放心,絕對係平靚正,絕大部分餸都係大約¥20-40,而且分量多轉頭大家望下我叫嘅餸,大家就會知道有幾多我地叫左呢度招牌菜 -- 外婆紅燒肉 (¥68) 講到紅燒肉,一定要上肥下瘦,肥瘦要均衡瘦肉部分一定要將醬汁吸收曬,否則齋瘦肉就會好難食呢道紅燒肉絕對係肥瘦適中表皮咬落去會有咬口,有少少脆,而且望個色水已經知得曬分肥嘅部分入口即溶,簡直係邪惡到不得了瘦肉部分其實都好入味,但我個人略嫌老左少少,如果煮個陣煮少一兩分鐘可能會好d周邊鋪左4舊鹹魚,但我唔中意鹹魚,所以無食到底部有竹筍乾墊底,Mix埋d醬汁用黎撈飯簡直一流另外仲附送6個小饅頭等食客可以將竹筍乾擺入去一齊食 第二樣我地叫嘅係蒜茸粉絲蒸蝦 (¥48) 呢道菜食完其實無乜太大感覺,因爲絕對唔會話難食但香港都有唔少海鮮店整得好過呢度甚至小弟嘅媽媽蒸蝦都有一手所以我就對呢味蒜茸粉絲蒸蝦比較無感但蝦有彈性、夠爽,呢點要讚而且無雪藏味,算叫做新鮮調味料方面,用上嘅係蒸魚豉油,落得唔多,所以無蓋過蝦嘅鮮味但要挑剔嘅係粉絲鋪底之餘,數量好少,搞到好難夾大家都知索曬汁嘅粉絲先係精華!!!! 第三味就係香酥排腩 (¥32)呢個香酥排腩真係一定要推薦比大家!!!!!真係又香又酥脆咬落去真係"卡察"一聲,然後再落去真係有肉嘅油份就算唔點個泰式酸辣醬都已經好正!!!!! 第四樣就係肉醬茄子 (¥22)我起初以爲係好似香港漁香茄子煲但點知原來係茄子切片,煮完之後淋上豉油同鹵水肉沫呢跌味道其實大家望完幅圖都已經可以幻想到個味道係exactly大家可以幻想到嘅味道,鹹鹹地茄子+鹹鹹地肉碎但係match嘅,而且唔太濃味,好適合一家大細算比較清清地 第五樣係麻辣豆腐 (¥3)我無打錯字,的確係麻辣豆腐因爲入面無肉沫,加上味道同傳統麻婆豆腐有少少分別但呢個幾乎係每一枱都會叫,因爲又大兜,又平 3蚊人仔咋!味道都算辣,唔係單純豆瓣醬,真係有落花椒粉同辣醬送飯係一流 不過呢,我地最後係無食到,因爲前面餸實在太多啦!!!!加上每人一碗白飯(¥2),完全無辦法塞落肚仲淨埋半碟茄子不過我就唔會浪費,打包返香港 Total埋單總共¥177,平均每人¥88.5雖然望落好似好貴,但實際上其實我地眼濶肚窄,根本就可以叫少1-2碟餸所以大家其實預人均大概¥50-60左右就夠,你4個人以上分分鐘¥50以内建議大家2-3個人叫3個餸左右就夠,唔夠咪加多個豆腐利申,今次兩個人都係成年男子可想言之餸分量好大 小總結:《外婆家》絕對係非常值得推薦比大家,價廉物美大家盡量6點半前黎到啦,因爲6點半後真係好多人排隊架!加上無限時,都有排等