日比谷公園時間係3點半，而我要搭5點20分既車入成田機場所以我都出發去最後一個環節—日比谷公園日比谷公園顧名思義位於日比谷站，非常近東京站同銀座面積唔算好大，而且當時紅葉都未見頃但仍然安排左呢個公園，點解？因爲16-20/11係日比谷公園有個叫全国魚市場＆魚河岸まつり既活動呢個活動其實係邀請全國漁業或者海鮮店一同聚首係日比谷公園開攤檔售賣各區份出名既海鮮料理呢個活動每年會舉辦一次，多數都係15-21/11呢六日裏面抽4日進行轉眼就到日比谷公園雖然處身係好多高樓大廈中間，但日比谷公園仍然有一種恬靜閑適之氣環境怡人，令你感覺好似並非置身係石屎森林中 全国魚市場＆魚河岸まつり不過我重點都係上面提及過既活動見到好多白色蓬就知全部都係攤檔我保守估計大概有超過80檔呢度遊客比較少，可能係因爲並無大肆宣傳，得日文網站我都係好偶然既情況下先見到呢個活動我行曬一個圈都聽唔到廣東話同普通話，反而都有幾個鬼佬點擊圖片放大 呢度超多野食有刺身丼飯、魚子丼飯、燒生蠔、各地拉麵、各地湯品鍋類、烤肉串等等選擇多到離曬譜不過現場所見熟食居多，生野比較少價錢都算公道，7-800Yen一碗唔算好多既拉麵或者一隻燒蠔，一碗丼飯就大概1500Yen我有嚴重選擇困難症，完全唔知點算好好在小弟當時唔太肚餓 (何想言之中午碗麵好犀利)求其買左一碗鮟鱇魚肝鍋(あんこう肝鍋) 同蒸海膽 鮟鱇魚鍋係茨城縣名物，被譽爲日本10大鍋而鮟鱇魚肝更加被日本人稱之為海底鵝肝可見其受重視情況當然我買既時候根本就唔知呢d野其實我當時連係咩魚湯我都唔知，小弟0日文知識一飲，個湯非常鮮甜望一望d料有蘿蔔、豆腐、紅蘿蔔、大蔥、娃娃菜同好多鮟鱇魚肝 一食鮟鱇魚肝……oh no, not my cup of tea感覺好奇怪，好粉，而且會粘住個口腔而且咬咬下味道有少少腥，成個感覺十分不良好但單純計個湯係好既，又鮮甜又多料盛為800Yen戴定頭盔先，味道呢家野係好主觀，各人喜好不同而樂亦無窮也另外我見到好多人食蒸海膽，我又即刻買一個，800Yen其實我好中意食生海膽，有天然甜味好正 第一次試蒸海膽感覺好似食緊平時扇貝隔離橙紅色個舊野淋淋地又粉粉地最緊要係無甜味，而且要靠豉油先有少少咸味果然......食物呢家野都係百貨應百客應該係我呢d cheap人唔識食高級野姐
