光が丘公園醫完肚就繼續出發去尾二既公園啦講起銀杏，大家可能都會諗起神宮外苑、昭和公園但我要為大家介紹既呢個公園係11月中上旬先會受歡迎，平時名氣都頗低係新宿出發搭都營半個鐘就到，都算係好近呢個公園就係另一個我好期待既公園 – 光が丘公園光が丘公園之所以出名，全靠每年11月中上旬綻放既銀杏一般都係11月15號左右見頃，但無奈地今年都係受到颱風吹襲提早到11月10號所以我都係抱住搏下既心態去 大家可以搭都營大江戶綫去到光が丘站係A3出口出搭升降機上，然後一直行就得如果係銀杏季，一出就已經會見到一排銀杏不過已經掉落左好多但附近係民居同商場，又別有一番風味 光が丘公園都有少少紅葉同楓葉睇不過公園規模就比國營昭和、新宿御苑、上野恩賜公園呢d細好多啦但好處係人流少好多 一行入公園無耐其實已經會見到銀杏大道但可惜……已經掉落左好多大部分都已經好光禿禿，都十分之失望無諗過話11月10日見頃，但16號已經變光禿禿最衰都係個天！ 不過都有個別伶仃銀杏樹係燦爛既 另外都有少少紅葉、楓葉 雖然而加個樣咁，但我夠膽以人格擔保呢度銀杏盛放期一定可以留得住你個心！因爲呢度係好容易可以拍到少人/無人既銀杏大道信我，雖然唔會得永生呢度遊覽時間大約一小時應該都夠 明治神宮外苑銀杏大道搭返大江戶綫出青山一丁目相信去過東京既朋友都應該估到我去邊明治神宮外苑銀杏大道呢個地方係市中心，而且成條街都係銀杏每年都吸引超多本地人同旅客前來以下有d相係用手機影，因爲相機無乜電青山一丁目1號出口出向前行3分鐘已經會見到好多人 係金色......好靚啊成條明治神宮外苑都係銀杏，車道定行人道都係比大家望下行人道景況，人多，但金碧輝煌更厲害所有人都好投入係呢一個環境當中 不過有幾節其中一邊都仲係綠色我估我打blog既同時應該係最燦爛既時候 有好多人會行出馬路影不過提提大家，係非常之危險因爲呢條馬路其實都好多車經過要行出馬路影記得等大道前後既紅綠燈都係紅色，又無車經過先好行出去 雖然呢d行爲好破壞人地規矩但我留意到其實好多日本人一邊話Sugoi,一邊就行左出馬路影而且d交通警都無阻止我估應該都係呢段時間默許大家咁做除左行出馬路中間影，想安全d其實可以行到大道最尾個紅綠燈行人指示燈轉綠色個陣行到斑馬綫中間影99%係斑馬綫度既人都係影呢個畫面 本身打算係度逗留45分鐘但最後留左成個鐘有多......點擊圖片放大
