風雲児沾麵(風雲兒)休息左1個鐘就覺得餓啦然後就搭地下鐵去到新宿食一間我好中意既著名沾麵店--風雲児相信好多人都有聼過呢間沾麵店,因爲真係好出名我次次去東京都幾乎會食一次如果食過既然朋友唔知又鍾唔鍾意呢間呢?我大概6點左右到鋪頭好在門口無人排隊,係鋪頭入面排緊 (而家望返先發現out fo左)風雲児排隊方式係先入店入面條走廊排隊走廊滿曬就排門口外,門口都排滿就排埋去公園如果你係排門外,就要等店員指示先可以入店入面繼續排另外當你排到隔離係賣票機就可以順便買埋飛 大家記得Dipping noodle先係沾麵啊而800同1000Yen分別在於1000Yen果款會多d肉同竹筍,又會多一隻蛋所以我買既係後者而另外Ramen大家都知係拉麵啦,不過在場就比較少人食啦 當你排到隊頭個陣就會有店員收定你張飛然後又會問你麵要大定中所以除非係大胃王啦,否則正常成年男人要大都已經夠,無需要另外買替玉女士就直接要中應該都ok等左半個鐘就坐到,翻枱速度都ok快一坐低就好快將麵呈上 風雲児湯底係屬於重口味,接近無敵家,重過六厘舍係用豚骨、醬油同柴魚熬成,並加上魚介粉所以你可以試到有好濃豚骨醬油味之餘,又有柴魚鮮味另外,麵體上都係做得十分出色。麵係用上沾麵必備既太麵,因爲太麵比起細麵更加可以掛起d湯係麵度店家煮好麵即刻會過冷河,所以麵條非常有咬口又彈牙而且頭先講掛湯,其實係麵點完汁之後會keep到幾多汁,即係夠唔夠濃。掛湯能力高 = 麵體大致成功而你可以見到我夾起完麵,影埋相都仲keep到好多湯係麵度 而叉燒就正常,肥瘦分明又夠淋但都係無敵家正d 不過蛋就失望左,今次個蛋就熟左少少啦 最後加埋鐵壺裝既高湯落本身湯底度 正! 食到一乾二淨 風雲児一直係我會encore既店鋪,六厘舍都係所以大家不妨試下盡量6點半前黎到排隊應該都好快https://goo.gl/maps/UUmgvWVg8bxMIDTOWN CHRISTMAS燈飾夜晚小弟仲有一個行程就係去六本木Tokyo Midtown個MIDTOWN CHRISTMAS燈飾活動 每年Tokyo Midtown都係最早舉辦燈飾而我走之前都只得呢度有燈飾睇下 沿途都好多男女拍住拖黎燈飾的話當望下娛樂下啦比少少圖你地啦點擊圖片放大 +2 望完燈飾都番新宿行下藥妝店,幫老母買少少野然後就返去休息啦今日真係好辛苦,仲要Pack好曬個背囊聼朝7半出發!